ê ginavimasko řîndo ›Kana o kham po sovipe džala, e paluni strafin astar‹ ašunde avtoronca ankêrdilo ande l’ panź rjaća pe sama kataj knjigengi egzibicija »Wege zur Romaliteratur« (›Droma karing e řomaji literatura‹, 14.04. źi 06.05.1994) ande Austrijaki Nacionalno Biblioteka. Le performacije sas kotor kata o programo »Roma – Mythos und Wirklichkeit« (›Roma – mitoso thaj realiteo‹, 13 źi 29 aprilo 1994). Pe sama kata kado programo, kaj formirisardja les e organizacija Romano Centro, ankêrdile programur pe but fjal: Koncertur, egzibicije, teatroskê thaj khêlimaske performacije taj referatur.

Ando ramo kata ginavimasko řîndo, kaj sas konceptirime kataj Beate Eder-Jordan, prezentirisardje pengê literaturakê delur le avtorur: Rajko Djurić thaj Ilija Jovanović, Luminiţa Mihai Cioabă, Ceija Stojka, József Holdosi, thaj vi Emil Cina, Tera Fabiánová thaj Ilona Ferková. Le prezentacije barvaljarde muzičarja kataj Srbija (o Ansamblo Pera Petrović), muzičarja kataj Rumunija (o Ansamblo Johnny Raducanu), muzičarja andaj Austrija (Ceija Stojka thaj Ruzsa Nikolić-Lakatos, pengê familjenca) thaj muzičarja anda Čexo (Jan und Magda Slepčík).

Translacija: Mozes F. Heinschink