Teatro & Drama

Rodipe

Kuririmo kotar o Ristic and Vargas Rubio

image
Gul'i Daj Performance

unknown | Gul'i Daj Performance | fotografija | Čehisko Republika | 2013 | the_00441 Licensed and provided by: David Tišer I Licensed under: CC-BY-NC-ND 4.0 International

Angluno alav pala Rromano Teatro

Kontra katar kodo so gindisardam thaj so phenel e istoriografia, e Rroma lije than, pe kava vaj kova drom ando buxljaripe Europake teatrosko, katar lesko teljaripe. Sar dramaturgura, režisera; sar aktora, khelara, manuša save kerde buti e dživutrenca, manuša save skrinisarde scenaria, von sesa kotor pe kava baro drom. Amen naj sam numaj manuša save sesa phandine pala folkloro amen sama heterogeno kreacia pala lačhi estetika, poezija thaj dramaturgia, kotor katar jekh barvalo sistemo,forma thaj amaro than našti kade lokhes te arakhelpe. Sar vi sajekh kadale heterogene forme save sesa imidžo pala e Rroma, butivar sesa dural e Rromendar, kerde bari inspiracia and Europaki dramaturgia. E mitura,stereotipura,si kotor katar jekh khetano načačo suno pala e Rroma, sar vi lenge artistikane kreacie pe sa e umalina, save sesa thaj si drom saves naj agor pala teatrikane keripa, ande muzika, ande estetika thaj gaja maj dur.