E Jekhina 1 katar e RomArchiv-eski Sekcija vash Vizuelno Arti isi cilo/resarin, te legarel historikani analiza vash arakhibe e Romengo imidzo ande Stungorigako arti, astarindoj kotar e majphuraneder Romengo imidzo ande Europa. I Jekhin, rodela e reprezentacijakere modelon, buhljarde kotar e Europakere artistura, te sikaven e Romen sar strancura ande Europutne riga – majangle kotar e Uprunerigakere Germanura, thaj pala kodo e Europakere Renesansakere thaj Barokerskere tradicije –, thaj chivela specijalno akcento upral e specifikane iknografijakere tipura, te sikavel e procesura kotar e diferencijacija, javeripa, demonizacija thaj bipakhivasar ande Europutni vizuelno historija.
01 O muj e romango ande e Artoski Istorija
E rodipaskere papirura thaj konferencijakere prezentacije ande Jekhin 1 trubuj te legaren e manushen so rodena trujale Romengo imidzo kreirime ande 19-to thaj 20-to shelbershipe, specijalno samasar pe Centralno thaj Chahchunerigakiri Europa, kote so e vizuelno artija “E Roma ovena became the pandanura e Stungorigakere Europutne Azijakere thaj Afrikakere Primitivcura”, thaj e artistura kreirinde peskere “‘kalen’ trujal lengere Romane kolonije”. I Jekhin 1 demonstririnela vi sar, varesave post-kolonijalne zorakere khelina ruminena o rodipe, thaj but Romengere deskripcije paruinenas pes kotar e zoraleder kalengere thaj Biboldengere historijakere narativura, thaj kodolesar achovenas kadala Romane imazhura, vash re-hramovibe thaj intervencija ano bareder narativo kotar Europakiri tthaj javera arteskere historije.