I prezentacija astarela kotar o detalo – o dikhibe e etnikane dzuvljako – pe Derick Baegert-eski “Calvary Triptich” (1477–78) te dikhel pes i ikongrafija katar e “Gypsy” dzuvli savi dikhela ko manush so dikhela i piktura. E Baegert-eski kompozicija savi so sikavela kodo “dikhibe” si jekh kotar e avgune, dzaindoj pala gasave kompozicije kote so prezentirinela pes “Gypsy” dzuvli savi so direktno dikhela ko manush so dikhela i piktura, sa dzi ko 19-to shelbershipe … Dujto gasavi studija khamel te rekonstruirinel e dzivdipaski storija thaj i influence kotar e Amerikakere Romane dzuvlja, Fenella Lowell, savi so avili ando Paris ko 1902. Voj sas model thaj phiravni e Francijakere skulptorenge Antoine Bourdelle thaj August Rodin angleder te dza ande Budapest e Hungarijakere piktoresar, József Rippl-Rónai, te ovel modelo vi vash Rippl vi vash prendzardi Hugarijako fotografo Olga Máté. I trintoni studija astarela e portretija kotar e Sinti dzuvlja (majbut Gaia thaj Ringila) kotar e Germanijako skulptoro Otto Pankok. O Pankok sasa pahivako membro pe jekh bari Sinti familija pashe Düsseldorf pe 1920-to bersha, thaj ulas olengo partner thaj dokumentaro ande kulturako trajo thaj rezistanca. Sotrin studije khamen te identificirinen kadala trin dur, numa familijarno momentura ande Europutne arteski historija, te chudel rosh upral momentura kote so e Romane dzuvlja keren impakto upral Europutno arti. Pe jekh vrama, sikavel trin efektivno, eksplicitno strategije vash kodo te hramol pes i horizontalno arteski historija.