Muzika

Rodipe

Petra Gelbart

Romane festivalja sar klasne sobe/kamere

Tipikaneste, kadava tipo festivalo sikavel paśe sa katar e avne: informacija te avel dindi, instrukturja ande e forma vaś e sikavne thaj śerdine vaś muzikalne seminarja, ramome materialja, auralne thaj kinetikane primerja vaś kulturne produkte, iljustracije, ande e forma vaś avrisikavipenata thaj filmura.

The Khamoro festival, held annually in Prague, brings together musicians from among Roma and related groups from all over the world.

Rights held by: Zuzana Jurková (recording) | Licensed by: Slovo 21 | Licensed under: CC-BY-NC-ND 4.0 International | Provided by: Slovo 21 – NGO (Prague/Czech Republic) | More at: Khamoro - World Roma Festival / Slovo 21

E romani “naciaja bi teritorijako” sivol (ekzistil) naisaripenaske e semantikane peripenaske (kolaps) vaś e terminura „nacija,“ „etnikanipe“ thaj khajekh droma i e „rasa“ ande verver ćhiba.

Vov sivol ande koncentririme istorikane zordipenata katar romane politikane manuśa te keren reprezentacija vaś e roma, sintura, Gitanos thaj aver roma sar ekh grupo ando e Organizacija vaś e kidinde nacije thaj ande aver maśkarthemutne (internacionalne) thaj i śerutnale (guvernale) organizacije. Vov sivol pes po interneto, ande ramosarde dukjanoske mel-kidin, ande formalne thaj biformalne drakhina vaś aktivistura barabari lenge famijake kotoravnenca (membronca) – thaj, - but maj but – maśkar roma kas naj len nisave konkretno organizacijaki dori aj socialno ververipe.

Romane muzikantura thaj tancjorura si but duvare akharde te baśalen naj sade peski muzika ama i e ideje kaj averen si len vaś e “ciganura.”

E Muzikaki Sekcija ando o Romano Arxivo kida primerja vaś festivalja kaj si lenge dindi e ideja vaś romano themalipe, kas si les śkoliale (edukaciale) instrumentura kaj thon andre peski-promocija barabari e ćhutipenasa aj e andreizacijasa (internalizacijasa) vaś popularne stereotipura vaś e roma. Kana kerdon pe festivalja – sar ekh tipo pedagokikano spektaklo – kaj si orientime avrjal peske komune, e roma si akharde te filtririn e romani kultura aśal verver publike.

Tipikaneste, kadava tipo festivalo sikavel paśe sa katar e avne: informacija te avel dindi, instrukturja ande e forma vaś e sikavne thaj śerdine (lederja) vaś muzikalne seminarja, ramome materialja, auralne thaj kinetikane primerja vaś kulturne produkte (khajekh drom i serdavne ande e forma vaś vastutnipenata), iljustracije, ande e forma vaś avrisikavipenata [ekzibicije] (pe khaj ekh vrjame sikaven romane artoski buki) thaj filmura. E “studentura” kaj kotoraven katar gasave aćila save si fokusirime po sikavipe but drom si len śajpenata aśal diskusije ekhe akharde vakjaravnesa, aj aśal o treningo vaś lenge manuśenge via e formalno sikavde muzika thaj tanco.

Romane muzikantura thaj tancjorura si but duvare akharde te baśalen naj sade peski muzika ama i e ideje kaj averen si len vaś e “ciganura:” ekh pra-sipe vaś emocije, komunikacija bazirime po stato, thaj ekh mitikani dori karing e nakhlini vrjama. (Dikh Romani/Traveller Music in the UK and Ireland). Ama, via partneripenata maśkar muzikantura thaj romane aktivistura, kon si but duvare doridinde karing ekh godjale partnerja, śkoljale festivalja makhen ekh but maj but pherdo partreto vaś e moderne romane źivdipenata (trajura).

Rights held by: Petra Gelbart (text) — Angel Ivanov (translation) | Licensed by: Petra Gelbart (text) — Angel Ivanov (translation) | Licensed under: CC-BY-NC 3.0 Germany | Provided by: RomArchive