Ka o Štarto Ljumako Řomano Kongreso: ando Serock (pašaj Varšava) ankêrdile vuni kidimata, save sas śinade la řomaja kulturakê thaj la řomaja śibakê (taj pa l’ šanse la standardizacijakê). Maškar le kidimaskê participantur sas vi vuni ašunde avtorur thaj intelektualcur, sar po eksemplo o Ian Hancock, o Šaban Ilija, o Šaip Jusuf, o Leksa Manuš thaj e Luminiţa Mihai Cioabă.

Jek kidimos ankêrdilo maškar-themutni řomani literatura; pala jek prezentacija kata o Rajko Djurić pa kodja tematika, vuni avtorur prezentirinas pengi poezija. Sja le kontribucije ankêrdile pe řomaji śib.
V’ o Rajko Djurić prezentirisardja vuni poemur anda peski poezija. Jek sas o ašundo poemo »Bi kheresko bi limoresko«.

(Translacija: Mozes F. Heinschink)