E Tera Fabiánová (śako anav Kurinová) bijandili ka 15.10.1930 ando Žihárec thaj barili ande južno Slovakija, ande jeg regiono kaj trajil jeg ungricko minjoriteto. Laka daki śib sas Ungriko-Romani, de kata pesko mêritimos vorbilas vi o Servika dialekto, paša sja kodja źanelas te vorbil vi ungricko thaj slovakicko. Kana sas voj 16-e bêršengi, munčisajli voj peska familjasa palaj bući katar e Slovakija ande Moravija thaj maj palal ande Praha. Ande Praha geli-tar voj ka 23.03.2017 katar kaća ljuma.

Pašaj poezija ramosardja e Tera vi priče, xarne paramiči thaj feljetonur. Ande angluno numero le žurnalosko »Románo ľil« kataj organizacija »Svaz Cikánů-Romů«, kaj formirisajli ando bêrš 1969, publicirisardja voj ande peski rubrika »Zadáno pro Teru« (›Rezervirime la Terakê‹) o maj angluno literarno delo pe řomaji śib ando bêrš 1970, kaj sas vi o angluno literarno delo ande antrego dêmîltuji Čexoslovakijaki republika (Hübschmannová 2015: 349). Lakê tekstur thaj o angažmano kataj romistkinja Milena Hübschmannová, dja bute Řomengê ando Čexo thaj ande Slovakija e zor te len te ramon.
Dikhen e buhli biografija »Tera Fabiánová« katar e Milena Hübschmannová (2003). Jek lil pa lakê priče, poezija taj aver tekstur arakhen kaj Steklá (2007).

(Philipp Sperner; translacija: Mozes F. Heinschink)

Literatura

Fabiánová, Tera. 2000. Tera Fabiánová II: Miro dživipen – Můj život. In: Romano džaniben 3/2000, 72–79 (= http://www.dzaniben.cz/download.html?f=727526b1be03e2e3a9fd2f41fe058723.pdf = https://perma.cc/8VJT-Q4P9)

Hübschmannová, Milena. 2003. Tera Fabiánová. In: RomBase – Didactically edited information on Roma. http://rombase.uni-graz.at/cgi-bin/art.cgi?src=data/pers/fabianova.en.xml (= https://perma.cc/4WSS-QZVN)

Hübschmannová, Milena. 2015. Meine Begegnungen mit dem Šukar Laviben der Roma. Übersetzung aus dem Englischen von Susanne Costa. In: Erika Thurner/Elisabeth Hussl/Beate Eder-Jordan: Roma und Travellers. Identitäten im Wandel. Mit einem Vorwort von Karl-Markus Gauß. Innsbruck: innsbruck university press, pp. 325–366. DOI: 10.15203/2936-95-0-21 (= https://www.uibk.ac.at/iup/buch_pdfs/roma-und-travellers/10.152032936-95-0-21.pdf
= https://perma.cc/93B6-M68Q)

[Redakce]. 2000. Tera Fabiánová. In: Romano džaniben 1–2/2000, 100–106 (= http://www.dzaniben.cz/download.html?f=98f34d87efb2bb6c6ba67f3356c14661.pdf https://perma.cc/KQE4-8H7F)

Steklá, Radka. 2007. Romea.cz Ohlédnutí za tvorbou Tery Fabiánové. In: Romea.cz (22.4.2007). http://www.romea.cz/cz/zpravy/ohlednuti-za-tvorbou-tery-fabianove (= https://perma.cc/5DY7-LP7J)