O Rusanienko Petro Petrovich si bijamo ande 1994-to bersh ande foro Kurakhovo, locirimo ande Donetsk regiono ande Ukraine. Kana agordas peski mashkaruni shkola, vov gelas ande Donetsk Transport thaj Economics College ko 2010-to bersh. Kot vov lijas specijalizacija sar mehanikano tehnicharo vash vurdona thaj agordas pesko koledzo ko 2014-to bersh. O maripe ande Chachunerigeski Ukraine kerdas te dzal ande Kiev, kote so khuvdas ande Kiev National University vash Theater, Cinema thaj Television (Karpenko-Kary), leindoj specijalizacija sar Aktero ande Teatro thaj Cinema ande Teatrikano Fakulteti.

Kotar 2014-to bersh, o Peter sasa involvirimo ande publikane aktivitetura vash e Rromane komunitetako intereso. Vov dzalas pala treningura, forumura thaj konferencije vash e Rromane manushengo protektiribe. Ko 2016-to bersh, vov lijas o prestizhno Roma Education Foundation shkolaripe. Ando fremo kotar e phutardine tenderura vash projektoskere aktivitetura kotar o Internacionalno Fondo »ВІдродження«, olesko projekto reslas azhutipe. Pe kodo bersh, vov kerdas pesko produkcijako studio [»SightFilm Production« link intern: Sight Film Production] thaj kotar kadi vrama vov bare samasar kerela peskere socijalno aktivitetura pe jekh but kreativno drom. Vov astardas te ovel o glaso ande Roma radio »Chiriclo« thaj astardas te kerel buchi vash i radio kompanija. Vov pe jekh vrama kerel vi videura vash advokacija, cilosar E Rroma te oven kotor katar e univerzitetura thaj institutora.

Ko 2017-to bersh, e azhutimasar kotar e »Відродження« Fondacija, vov kerdas o skurto filmo anavkerdo [»Pamyataty« / »Remember« link: fil_00358], savo so astarela temato kotar e Rromengo genocido so kerdas pes pe Dujto Lumako Maripe. Mashkar javer, vov aktivno si involvirimo ko nekobor teataresekre produkcije.

Filmografija

2016 - Pamyataty / Remember