O Dr Daniel Baker si artisto, kuratoro vi artistikano teoretičaro. Rom Gypsy bijando ko Kent, ole isi PhD pe Romani estetika kotar e Tagarengo Koledžo pala o Arto ko London (Gypsy Visuality: Gell’s Art Nexus and its potential for artists (Gypsy Vizuelizacija: Gell’s Arto Nexus thaj oleskero potencijalo vaš e artistora, 2011-to berš) vov lijas prizo pala oleskeri MA kotar o Univerziteto ko Greenwich (2002-to berš).

O Baker sine egzibitoro thaj deibasko godži manuš ko avgo vi ko dujto Romano Paviliono – Hasardo devlesko than/Paradise Lost and Call the Witness (Paradiso vi Akhar e Mujalne) – pe 52-to vi 54-to edicija kotar e Venecijako Bienale, sine vi ko jekh kotar e majvažno Britanijako artistikano šhou. (kote si sikavde e Romane artistoren e Delaine Le Bas, Damien Le Bas Senior vi e Ferdinand Koci), Second Site (Dujto Rig, 2006-to berš) curatoro Thomas A. Acton.

E Bakerski buči rodela e artoski rolja ko anibe socijalno agencija, sar vi angleder publicirimo mothovibe pala akaja pozicija so sine kotor katar o Meet Your Neighbours: Contemporary Roma Art from Europe (Arak e manušen so train paše tute: Moderno Romano Arto kotar e Europa, 2006,pp. 32–39) kolekcija vi kotar e Paradise Lost (Hasardo Paradiso) katalogo (2007, p. 40); oleskeri buči sine astardi ko publično vi privatno kolekcije trujal i luma, genindoj vi e Britanijake Muzeje vi e Tishman Speyer Kolekcija ko New York.

Ko oleskere publikacije vi kontribucije genena pes vi We Roma: A Critical Reader in Contemporary Art (Amen sem Roma: Kritično Genavdo ko Moderno Arto, 2013), Ex Libris (2009) vi Bohemia Revisited (Bohemia Bahtarina) ko The European Magazine (2012-to berš). Vov sine ko prezidento kotar e Gypsy Konsilo kotar e Bari Britanija (2006–09-to berš) vi akana trail thaj kherel buči ko London. Oleskeri veb’rigori/website [http://danielbaker.net] doperela e detalora pala oleskere kotora vi hramoviba.

Egzibicijakere thaj Projektura

2007
Hasardo Paradiso – avgo Romano Pavilono, Venecija Bienale, Venecija

2011
Akhar e Mujalne – dujto Romano Pavilono, Venecija Bienale, Venecija

2013
Nekanutni Čhačutni rig: Dokumentora, Čherenja, Perspektive – Haus derKulturen der Welt, Berlin

2015
Kher o Pharuvipe: Mobiliteteske Strukture – solo egzebicija, Cardiff Storijako Muzejo vi Arttoski Centralno Galerija, Barry, Wales
Kali Glaža solo egzibicija, Galerija Kai Dikhas, Berlin
Khana i Nafta Tavdel Avrijal, e Manušenge ka trubuj Grasta – kotor katar e Kakka Kolekcija rodipaski inicijativa ‘Khelutni /performansa/Romane Identitetura: Strategija vi Kritike’ (PRISaC), Autograph, Rivington Place, London
Praktike vi terminora kotar e Migrantonge Pikture – Valand Akademija, Gothenburg

2017
Pirutne – KUMU, Tallinn

Kolekcije

Sign Looking Glass, House of European Culture (Znako Kali Glaža, Kher kotar e Europaki Kultura), Brukselo
Anagram Looking Glass, Zabludowicz Collection (Anagram Dikhibaski Glaža, Zabludowicz Kolekcija), London
Gold Rose, Tishman Speyer Collection (Sumnakani Roza, Tishman Spyer Kolekcija), New York
Cockerel Looking Glass, UBS Collection (Cockerel Dikhibaski Glaža, UBS Kolekcija), Zirih
Romani Jivapen Jinapen, British Museum Collection (Romani Jivapen Jinapen, Britanijaki Muzejeski Kolekcija), London