E Liljana Kovačeva vorbil pa peska familjaki pozadina, pa peski edukacija thaj pa peska publikacijaki eksperijansa. Voj pomenil sja peskê knjige thaj ando detajlo vorbil sar maladjilas angluji data la řomaja literaturasa thaj le lilenca pa l’ Řom ande Bugarija, maj anglal kaj sas la motivacija te ramol pa l’ Řom thaj kaj kidja źanglimos pa l’ Řom. Voj del duma pa proceso kataj śibaki standardizacija, paj publikacija thaj edukacija. E Liljana divanil pa peskê eksperijanse le netvorkingosa aj kodja le Řomenca ande Evropa; voj mothol kê kêrel bući ande řomane thaj djenderoskê projektur. Po gor vorbil pa peskê akademijakê analize thaj eksperijanse ande laki bući pa PhD thesis kaj publicirisajli pe ’k knjiga.

O intervjuo la Liljanasa ankêrdilo ande lako birovo, kaj sî ando Centro la Edukacijaka Integracijako kata l’Minoritetongê Śavořê thaj Studentur ande la edukacijako ministerijumo ande Sofia. O ofiso sî paša le parkingosko than, anda kodja šaj ašundjon univar bašimata avrjal.

(Translacija: Mozes F. Heinschink)