O Miguel Ángel Vargas si Espanikano artisto ekhe ververne (xarakterne) Andalusiane-Xitanoske radikalja, save inklen katar e forura Lebrija thaj Jerez. Vov la peski diploma ande Istorija vaś śukh-keripe (arto) katar e Sevilijako universiteto, kajte vov akanutneste kerel pesko Doktorato pe Akanutni Istorija. Vov sikilo i Teatroski direkcija ande o Sevilijako Istituto po Teatro ando o 1999-to berś.

Vov kotorkerda (participirisarda) ande but śouta sar aktoro, muzikanto, direktoro, producento thaj texnikano. Vov phenel peske kaj si ekh poeto soske vov zumavel te statol (tanol) o autentikano fljalo katar savo o originalno grekano (ποιητής) sas inkaldo: o ekhto kon kerel, o ekhto kon bijanel thaj del bijan.

Lesko mangipe beśel ande dunjava (lumja) vaś o flamenko thaj teatro. Leski ileste-serdini misija si te phenel istorie vaś e Xitano umaljenge bukjarne katar e Lebrija thaj te phirel palal o sadipe vaś o Teatro Lebrijano, ekh korkorutni politikani teatroski firma, savi sas kerdi ando lesko bijando foro ando o 1970-to berś.

Lesko bukjako portfolio si lungo thaj źividino. Vov kerda buki bute ververe artistonenca thaj kompanijenca ande but verver rolje. Vov sas aktroro ande Espanija e Teatrosa del Velador; ando Njamco (Germanija) e Romane Teatrosa Pralipe; ande Anglija, e Northern-e Stage-so, Newcastle, thaj kaj imitisarel e źukeles (rikones), Londra (London); vov sas texnikano direktoro e Teatrosko Quintero ande Sevilja, scenako dizajnero thaj scenako direktoro e śounenge sar “Puro” thaj “Pinacendá”, katar o Farruquito, direktoro ande “Directo” and “Gilǎ”, katar o José Valencia, scenako menedźero vaś o śou “Xitanas” thaj aver śoura. Vov sas operako maśinako texniko ando o Teatro de la Maestranza, Sevilja. Vov napal la e rolja sar direktoro pe produkcija vaś “Flamenco Hoy”, katar o Carlos Saura, thaj e rolja vaś TV teatro thaj phuvjako (podosko) menedźero e televizijake programake “Ratones Coloraos”, ando Canal Sur.