Kado poemo kataj Mariella Mehr sî andaj knjiga »Das Sternbild des Wolfs, saji anklisti ando bêrš 2003 thaj sî źi akana laki maj paluji poezijaki knjiga.

O poemo bi titulosko teljarel jeka imposantnona slikasa, kaj sikhavel la Mariellaki konfrontacija la mitologijasa. Le Kerberoskê, mothol voj ande li duj
anglune versura, »grjaca te arakhêl le mulen«. O Kerberos, jek figura anda demîltuji grekicko mitologija, sî jeg maj bute šêrengo źukel, savo arakhêl o vudar karing e teluji ljuma, te na del kak źuvindo ande kaća teluji ljuma, čiti te mêkel jeg mulo e teluji ljuma.

Katka, već pe angluji linija kata la Mariellako poemo, vuřîcija le Kerberoskê leski bući, vov prasal le manušêngê ciljur, thaj v’ o ciljo kata o „lirikako me“ kaj vorbil katka. O them le mulengo, pe savo o Kerberos lelas sama źi akana, dićol, te sî de akanařa pîterdo, numa de akanařa maj but naj ciljo, kê naj maj but phandado.

O „lirikako me“ sî de akanařa bi »slikengo«, bi »sigurimasko«, taj bi bregosko. E moartja, kadja dićol, durili – so aśêl, sî o šaipe, kê o manuš »asandos te sêlbêtil«.

Tekstoski proba katar

Mehr, Mariella. 2003. Das Sternbild des Wolfs. Klagenfurt: Drava, S. 17.