Stációk (Štacija) si portreto vaš e Tamás Péli (1948, Budapešt - 1994, Budapešt), lačhe pindžardo Romano pikturi thaj političhari, khon sine membro ki Romani Kulturaki Asocijacija, pala kodo vov lela than ko Ungrijako Nacionalno Parlamento ki vrama kotar e anglune 1980 thaj 1990 šelberšipa. Pala kodo, lela than ko khedin katar e Ungrikane Roma intelektualcora (khetane si o József Choli Daroczi poeto. o Károly Bari poeto, Menyhért Lakatos hramondo, i Ágnes Daczi žurnaliska maškar e avera) savore von lije aktivno rolja te vazden zuraren o Romano identitet. Ko dokumentarno filmo, o artisto na numa so vorbisarel pala pesko trajo thaj e kondicije so nakavdas trujal oleskeri artistikani edukacija (vov lijas agorisarda pesko Univeziteto pe Thagarutni Akademija pe Arto ko Amsterdam), numa phenel kaj majvažno, si oleskeri rolja sar artisto.Vov angažirinela pes ko diskursi, pala o phučhibe trubuj li o etnikano avipen te dikhel pes ki artistikani institucija čhuvindoj andre vi kodolen kaske alava si upreder vakerde. Oleskere gindora si pe korkorutni –refleksija thaj o šajipe te oven dikhle sar artistikano manifesto pe kompleksno pučhibe vaš e korkorutno- identiteto (identitetora) bizi diferencija avela li vorba vaš e Roma, Ungora vaj Europejcora. Akala relacije kola so si pangle e hegemonistočhko pozicijencar ki (artistikani) societa, anela telal phučhibe o fakto kaj e subalento /e teluni klasa manuša vorbisaren korkore vaš peskere narativija.
“…vi e ciljosar te avel Romano pikturo/makhlo, trubuj te prepinddžarel pes e rolja kotar e falengo/zidengo/majstoro. Akava si baro thaj pharo phučhibe.... thaj me bi mangava te ovav Ungrikano pikturo/makhlo… Ka avel vrama, numa me naj te lav miri permamentno imigracijako bešipasko lil kotar mire kolege vaš e vi da jekh vaj duj berš… Ka sikavav miro majvažno kotor pe Lumako prezentiribaski khedin, thaj akava artistikano kotor… naj te kerel les o Tamás Péli sar Romano artisto numa ka ovel kerdo katar o Tamás Péli sar pikturi/makhlo/e Europakere godžaja thaj ileja, kote e pikturako dizajnero lela griža pe avutnipe kotar e oleskero them thaj pe oleskeri komuniteta,” dela konkluzija o Péli ki oleskeri pozicija ko filmo. Akava ekstrato/ikaldo kotar o dokumentarco sine lendino vi vaš o Manifesto pe Romane artistengo khedibe ko Ungro kotar e moderno SOSTAR GROUP grupa kerdini kotar e Roma thaj Na-Roma, Ungrikake thaj internacionalno artistija vi na-artistija kerdi pe 2013 berš.
O filmo sine producirimo kotar e lokalno TV kanalo ki Budapešta,kerdini ko jekh popularno stilo sar portretengo dokumentarco vaš e televizija ki vrama katar e 1980 berš ko Ungro, sikavdo si thaj pe javera fimesko festivalija thaj kulturake khedina ko Ungro. Sar te si e artistesko mujalnipa/vorbisariba/butivar si citirimo pe egzebicije vaš e artistikano korkorutno-identiteto.