Bijando ande aśundi belgiani Manouche familija, o Tcha Limberger barilo ande e dunjava (lumja) vaś o stilo katar o Django Reinhardt. Ande e berśa kaj nakhle vov kerda buki bute aśunde baśalnenca, andre thode i o pakivalo Fapy Lafertin. Leske elektrikane muzikalne ćhibthopenata, interesura thaj phaba (emocije) sas formirime de katar lesko avinalo ćhavutnipe leske avgutne solo koncertonenca kajte vov gilabavda flamenko thaj akompanirisarda peske pe kitara. Les si les bićhinado intereso thaj khamipe aśal tradicionalno muzika katar sa e dunjava, aśal lungone vrjamake źikana vov śerutnilas ekh banda katar belgikane muzikantura kon baśalenas muzika katar Aimara, thaj e Quechua indianura katar e Bolivija. Katar o berś deśtrinto vov sikilo moderno klasikani kompozicija barabari (ekhethaneste) e belgikane kompositorosa o Dick Vanderharst leske kompozicijake debutosa aśal ekh tancosko kotor katar e Les ballets C de la B savo sas akhardo ‘Patchagonia’ thaj savo sas direktime katar e Lisi Estaras. Duj momentalne proektura thon andre ekh liberime improvizacija gitara dueto e klasikane gitaristosa o Herman Schamp, thaj e Limbergereske but pakivali sa-sastrune dorjangi banda e Les Violons de Bruxelles. O Tcha sikilo e muzika vaś o Kalotaszeg peske mentorosa o legendarno Neti Sandor, thaj o Magyar Nota stilo vaś e Budapesta e pakivale prima Horvat Bela. E duj den karing lesko pindźaripe sar ekh avrjal e norma thaj entusiarizirime sikavno kon but devrja kerel masteroske klasura thaj śerutnil interaktivne seminarja kaj thon andre e duj dźaz thaj folklorno muzika katar e Maśkaruni (Centralno) Europa.