E Sieglinde Schauer-Glatz (Sieglinde Glatz, Sieglinde Schauer) bijandili 1948 ando Haiming, Tirol, Austrija sar bêjato katar »jeniše manuša«. Kana sas vov duje śonengi, line la le raj lakê dadestar, laka dejatar thaj dine la ka l’ gaźe te barjaren la. De śavořařa thaj sja pesko têrnipe trajilas voj ka gavutne manuša ando Ötztal thaj kote sas te kêrel phari bući. E Sieglinde sićili te avel špitaki asistentkinja. 15 bêrš kêrlas voj bući ando foro Innsbruck, ande špita pala phurengo thaj familijengo ažutipe. E Sieglinde sî ko-osnivačka kataj integrativno elementaro thaj sekundarno škola pala śavořê ande Austrija, save sî hendikepime thaj bi-hendikepime. Pala pesko bute bêršengo angažmano pe kodja sama lja voj kata o them Tirol e medajla pala merite.

Kana sas 49 bêršengi, lja voj te marel peski godji pa peski jenišengi řêdêčina. O impeduso pe kodja dine la le maladjimata le jenišengê avtoronca la Mariellasa Mehr thaj le Romedesa Mungenast,

E Sieglinde glumindja ande but teatroskê kotora. Voj ramol lirika, dialektongê poemur, teatroskê kotora thaj paramiča. Ande lakê poemur dominirin le teme: Ekskluzija, diskriminacija thaj jeg anduxo solidariteto progonime minoritetonca thaj manušênca kaj aven diskriminirime.

Laki literatura anklisti ande antologija »Neue österreichische Lyrik – und kein Wort Deutsch« (›Nevi austrijaki lirika – thaj čí jek njamcicko svato‹) thaj vi ande aver antologije. Kadja vi kaj publikacija kata o Romedius Mungenast »Jenische Reminiszenzen«, priče, poemur, jek ginavimaki knjiga« (2001). Lako teatrosko kotor »Fremd in der eigenen Heimat – Unkraut und Landplage« prezentirisajlo maj butivar tala laki režija, po egzemplo v’ ando ramo kata Angluno Jenišengo Kulturako djes ando Innsbruck, Austrija 2016 sar ginavimasko teatro. Lako poemo »Zum Abschied« arakhadol ande knjiga »Roma und Travellers. Identitäten im Wandel« (Thurner et al. 2015).

E Sieglinde sas bordosko membro kata Initiative Minderheiten. Ande edukacijakê institucije ankêrel voj referatur pa l’ teme: Hendikepime manuša, kaj sî pe privatno griža, thaj kethane la linguistkinja Heidi Schleich paj tema: E situacija thaj kultura kata narodo »Jeniše«.

(Translacija: Mozes F. Heinschink)

Literatura

Glatz, Sieglinde. 2001. »Die Kräuterhexe, ein Märchen« und zahlreiche Gedichte. In: Romedius Mungenast (Hg.): Jenische Reminiszenzen, Geschichte(n), Gedichte, ein Lesebuch, Landeck: EYE Verlag, 54–58; »Jenisch«, ibd., 123; »Das Feindbild«, ibd., 124; »He Zigeuner!«, ibd., 125, »Heimatlos«, ibd., 125.

Schauer-Glatz, Sieglinde. 2008: »Kalt und müde vom Wandern« / »Biberisch und turmisch von der Walz«; »Asylant«. In: Gerald Kurdoğlu Nitsche/Bruno Gitterle (Hg.). Neue österreichische Lyrik – und kein Wort Deutsch. Innsbruck/Wien: Haymon, 66.

Schauer-Glatz, Sieglinde. 2014. »Im Lager der Reichenau« und andere Gedichte. In: Horst Schreiber. »Aus zwei Leben wird ein Leben sozusagen«. Die jenische Dichterin Sieglinde Schauer-Glatz. In: Monika Jarosch und andere (Hg.): Gaismair-Jahrbuch. Gegenstimmen, Innsbruck: Studienverlag, 183, 187, 191.

Schauer-Glatz, Sieglinde. 2017. »Asylant« und andere Gedichte. In: Gerald Kurdoğlu Nitsche/Bruno Gitterle. Steine am Weg. Gedichte und Erzählungen. Landeck: Eye Verlag (= Am Herzen Europas, 10), 180–183.

Literatura maj dur

Eder-Jordan, Beate. 2010. Ein tiefes Verständnis von Integration. In: STIMME von und für Minderheiten 76, Herbst 2010, 23. http://minderheiten.at/images/stories/stimme%2B76_gesamt.pdf

Eder-Jordan, Beate. 2015. »›Imagining it otherwise‹. Der (un)sichtbare Paradigmenwechsel im Bereich der Romani-Literaturen und -Kulturen«. In: Erika Thurner/Elisabeth Hussl/Beate Eder-Jordan (Hg.). Roma und Travellers. Identitäten im Wandel. Mit einem Vorwort von Karl-Markus Gauß. Innsbruck: innsbruck university press.

Schleich, Heidi. 2003. Das Jenische in Tirol. Landeck: EYE-Verlag. (2. Aufl.) ISBN 3-901735-09-7.

Schreiber, Horst. 2014. »Aus zwei Leben wird ein Leben sozusagen«. Die jenische Dichterin Sieglinde Schauer-Glatz. In: Monika Jarosch und andere (Hg.): Gaismair-Jahrbuch 2015. Gegenstimmen, Innsbruck: Studienverlag 2014, 182–192. ISBN 978-3-7065-5393-3.