O Samuel Mago biandilo 1996, sar vi lesko baro phral Károly Mágó) ande Pešta. O Samuel (Sami) trajil de katar o bêrš 2000 ando Beči, Austrija. Vov sî skiritori, artisto thaj řomano aktivisto. Kata le dadeski rig avel lo anda ‘k řomaji familija, kata la daki rig sî les jevrejsko koreno. O Sami studiril transkulturalno komunikacija ka Bečesko univerziteto, thaj sî vi angažirime ando Romano Centro (maškar aver sî lo redakcijako membro kata o žurnalo Romano Centro). Paša sja kodja kêrel lo vi bući sar anticiganizmosko treneri thaj kêrel vi bući pala radioskê-produkcije kata ORF. Ando bêrš 2014 lja vo o angluno than kaj divanoski kompeticija »Sag’s multi«, peskê divanosa pa l’ Řom, pa anticiganizmo thaj paj tolerancija. Ando bêrš 2017 lja lo o exil-jugend-literaturpreis. De atunčara sî lo membro kata exil-autorInnenwerkstatt. Ando bêrš 2016 lja lo e řomaji literaturaki nagrada kata o PEN-Club. 2017 publicirisardja vo kethane peskê phralesa le Károlyosa le pričengi knjiga »glücksmacher – e baxt romani« (dikh vi le tekstosko kotor) ka edition exil, Beči.

(Translacija: Mozes F. Heinschink)

Bibliografija

Mago, Samuel. 2015. Zeuge der Freiheit. In: Stippinger, Christa: Preistexte 15: Anthologie. Das Buch zu den Exil-Literaturpreisen Schreiben zwischen den Kulturen. Wien: edition exil, 131-139.

Mago, Samuel; Mágó, Károly. 2017. glücksmacher – e baxt romani. kurzgeschichten aus der welt der roma. Wien: edition exil.