O Manolo Gómez Romero (bijando ando o 1967-to berś ando Moron de la Frontera, Espanija) beśel ande Barselona dekatar o 1989-to berś thaj astarda te kerel buki sar ekh artisto ando o 1992-to berś. Vov śukhsikavel (ekzibitiril) buxleste ande e Espanija thaj ande e Europa.

Sar ekh ćhavo, o Gomez sas namime katar e forme vaś e varoske peripenata pe phuv kana leski dej makhelas e khereske riga (duvarja) ande lengo kher. Vov xasarda pes ando godisaripe vaś e binumerne forme vaś petnjave thaj priśkipenata. Kadala forme si vaźe ande artistoski godi kana vov kerel buki. Bijando ande romani familija kas si la bari flamenko tradicija, o Gomez astarda te makhel telal e influencija vaś peski romni e Dźoana Artigas, kasko dad o Dźoan Gardi Artigas thaj papu o Llorenc Artigas sas keramikale thaj kolaboratorja e Pablo Pikaso-sa, e Xuan-e Miro-sa, e Georges Brake-sa, e Mak-e Ćagal-esa thaj e Alberto Giakometi-sa. Ande e bukjarin e Artigaskonengi, o Gomes avguneste sikilo te kerel buki e keramika, sade (numa) palpale te sadel pe ando o farbamakhipe. Palal deś berś vaś privatno buki, vov śukhsikavda ando o 2001-to berś aśal avgutne dromeske.

Peske źestone, muzikalnone thaj kaligrafikanone stilosa o Romero arakhada ekh ekspresija savi thol pe miśto ando o flamenko, savi buxlarel kadaja kultura neve aspektosa vaś o abstraktno arto. Recipiento vaś o Premio de la Kultura Gitana 2012-to berś, vov reslipenaste kerel thaj barjarel e enigmatikani vogi (duxo) vaś o flamenko, o duende. Inke farbamakhipe, plakatura thaj keramika leski buki tholandre i structure save den peske e paćadipenasa thaj save si khajekh drom thodine andre ande leske farbamakhina. Kadja o artisto liberil e flamenko katar e kadja sar dikhlindol sa identikano sikavipe thaj del kadale unikalnone thaj intenzivnone kultura ekh pakjali thaj klaro forma savi del e flamenko źivdipe (trajo) ando o moderno arto.

E bukja vaś o korkoro sikavdo Gomez si, date angluneste normalno sas abstraktne, farbipenata vaś lesko rigdipe karing o źivdipe thaj e turjalin. Khajekh drom, o artisto phenel, von sikaven so ćhanil pe te aves rom. Von si ekh zumavipe te sikadol pe o e phurane emocije vaś e Espanijaki romani kultúra ande ekh moderno ćhan via vibracije, abstraktno ekspresija thaj dinamikane farbe, sar o bimujphendo seripe vaś o duende maśkar e publika thaj e artistura ando o flamenko. E Gomezeske bukja sas ćaćeste thanthode (komparime) ka o quejío, o rovipe vaś ekh specialno gili vaś cante Flamenko.

Alosarde Ekzibicije

2001
Fundació Josep Llorens Artigas, Gallifa

2002
Collective Espai Marc, Barcelona
Galeria Sa Pleta Freda, Son Servera/Mallorca

2003
Galería Ignacio de Lassaletta, Barcelona
Decor-Art – Sala de Arte, Zaragoza

2004
Month of Roma Culture, Zafra

2005
La Carbonera espai d’art, Barcelona

2006
Ca Revolta, Valenzia

2007
FAIM Art Madrid
Semana de la cultura gitana, University Jaén

2008
La Carbonera espai d’art, Barcelona

2009
Galeria Sa Pleta Freda, Son Servera/Mallorca

2011
Gallery Puntoaparte, Barcelona

2012
Premio de la Cultura Gitana, Fundación Instituto de Cultura Gitana, Madrid

2014
INTUITION.URSPRUNG, Kai Dikhas Gallery, Berlin

2015
GUIÑO – Dikhas Dur and TAK foyer, Galería Ignacio de Lassaletta, Barcelona

2017
Manolo Gómez Romero . [katße’Batße] - Ceija Stojka und die Sammlung Kai Dikhas . Heute ist gestern – Kai Dikhas Gallery, Berlin

source: artist, Moritz Pankok in Manolo Gómez Romero . [kaʧeˈβaʧe] press release, 2017: http://www.kaidikhas.com/de/artist/manolo_goemez_romero/press