E Petra Cech, Dr. Mag., si e kuratorka palaj oralno literatura ande literaturaki sekcija katar o RomArchive.

Pala pesko bijologijako studijumo e Petra Cech studirisardja generalno linguistika taj germanistika aj kodja ka Univerziteto Beč. De katar o bêrš 1986 kêrel voj bući paj řomaji śib. Voj sićili e řomaji śib katar e Fatma Heinschink (Beč / Izmir) taj agorisardja pesko studijumo la monografijasa paj řomaji varijanta kata l’ Sepečides (Kožnicarja) anda Xoraxanipe. Koja nas kodificirime źi pe kodja vrjama. O fokuso kata lakê publikacije taj naučne analize si la Austrijakê řomane dialektur taj specifično vi le řomane varijante po Balkano.

Pe lengi kodifikacije kêrdja voj bući ande ko-operacija le Romane Projektosa Graz taj le projektosa kata o Univerziteto Ljubljana taj vi le projektosa Romani Morpho-Syntax Database (RMS, Univerziteto Manchester). De kata o bêrš 1991 kêrel voj specifično bući vi sar eksperto pe linguistično sama ando »Phonogrammarchiv der Österreichischen Akademie der Wissenschaften«. Katka sî laki bući, maškar aver, e naučno dokumentacija kata le »Heinschinkoski kolekcija«, kethane la Christianasa Fennesz-Juhasz taj le Mozesosa F. Heinschink. O specifično fokuso pe kadja bući sî e dokumentacija taj edicija katar e tradicionalno řomaji oralno narativno kultura (dikh le do śibengê řomane knjigengê edicije ka www.drava.at).

E Petra Cech sî membro kata o Romano Centro taj kêrel recensije taj o lektorato le žurnalosko »Romano Centro«.