E Małgorzata Mirga-Tas (bijandi ando 16-to aprilo 1978-to berś, Zakopane, Polska) is ekh bergitka romani vizualno artista kon bazisno kerel buki ande laki texnika vaś skulptura ando kartono. Voj barili, beśel thaj kerel buki ande ekh romanio beślino than ande e Ćerna Gora ando o regiono o Spisz, ande Polanda. Palal kaj resavda e Artoski śkola o Antoni Kenar ando o Zakopane (e Mebelengo Departamento), voj napal resavda ando o 2004-to berś katar o Departamento pe Skulptura karing e Akademija vaś Laćhe Artura, Krakov telal o Jan Matejko.
Lake plavecocyrdipenata thaj farbemakhipenata si kerde e trubepenasa vaś miksime pastelja, verver tipura farbe, lilnevipenaske (gazetoske) klamerja, pajetura, kartoja, kotora, aver. Voj lel motive katar peske romane kaśtagora (radikalja), kadaleske laki buki sikavel romane motivura thaj ornamentoske forme, save pulsirin źivde farbenca thaj dekorativne, zorale linijeca. Lake em palune farbemakhipenata roden e romane źenen ande lengo sakodivesutno źivdipe (trajo) ande e romane beśline thana thaj komune.
Ando o 2014-to berś lake artistikane aktivitetura sas sadine karing o »Samudaripe« - O romano genocido. Ekh centralno kotor katar kadala bukja si e skulptura savi si titoluvime »Zalikierdo Drom« (O Ćhinavdo Drom), savo si kerdo ande Malgorzataski korkorutni texnika katar e kartoja, thaj kadava sas sikavdo ande ekh grupa ekzibicije savi adresirisarda o Genocido. Kaj sikavel ekh mukhlindo ciganono vordo ando ekh veś, vov si ekh alegorija vaś e Nacistikane mudaripenata vaś saste romane familije ande e vrjama vaś o Dujto Lumjako Maripe, savo doridel ka o drom pe savo e prastandine roma, kon arakhade varesavo siguripe sade (numa) ande e veśa dur katar e forura thaj e gava, gele drom e vordonenca.
E Malgorzata si ekh aktivista kon marel pe aśal e romane komune thaj angaźiril pe ande khajekh verver socialne thaj artistikane projektura save si resdine mamujal socialno avrićhutipe (ekskluzija), rasaki diskriminacija ksenofobija. Voj śerutnil integracijake artoske seminarja aśal romane thaj gaźikane ćhave thaj si ekh vortakoni autora vaś but projektura save thonandre »Romano Klik« thaj »Romano Arto«. Aśal 5 berś voj kerel thaj koordiniril e Maśkarthemutni Komuna aśal romane thaj gaźikane artistura »Jaw Dikh!«. Voj sas e organizatora thaj i ekh katar śukavipenale artistura ando e ›Kali Berga‹ ekzibicija, savi roda pe e situacija e romane źenenge lokalno (ande e Ćerna Gora, Polanda) thaj i ande e maj buxli Europa. E Malgorzata si ekh periodikani kotoravni (participanta) ande konferencije, sfatura thaj projektura save si doridinde e romane komunenca.
Voj sas thodini 42-to Farbamakhipe Biennale »Bielsko Autumn 2015«. Voj si e dindi (recipienta)
vaś e stipendija katar o Amerikanono Śerutnipenasko (Guvernoski) Maśkarthemutno Vizitorosko Lederengo Programo telal e katagorija »Promotiripe vaś Socialno Laćhipe via e Artura«.
www.jawdikh.pl/en/malgorzata-mirga-tas.html
Ekzibicije
2004
Dreams and Konflikts – Schindler’s Factory Museum, Krakow
2007
Roma Cultural Day, Andrychów
2008
City Institute for Culture, Krakow
Roma Cultural Day, Andrychów
Roma Cultural Day, Jaslo
Na pomedzi – Polish Institute in Bratislava
Kali Berga – Kai Dikhas Gallery, Berlin
Kali Berga – Gallery Księgarnia | Wystawa, Fundacja Razem Pamoja, Krakow
Zalikierdo Drom – House of Fine Arts in Warsaw
Solo exhibition, National Theater, Skopye
Romani Art – Polish Institute, Vilnius
Pany Chłopy Chłopy Pany – BWA Sokół, Nowy Sącz
Collections
Galeria Bielska BWA
Romani Museum in Brno, Czech Republic
Kai Dikhas Gallery, Berlin
Source: artist, www.roma-center.de/malgorzata-mirga-tas/, www.jawdikh.pl/en/malgorzata-mirga-tas.html