O Jusuf Sulejman (Јусуф Сулејман) bijandilo 1950 ande jek arlisko řomaji familija ande foro Skoplje. Leski zakonoski edukacija getosardja vov po univerziteto. Peski angluji knjiga ankaladja vov 1982. Źi kaj bêrš 2017 ankaladja vov maj but de15 knjige pa l’ diferentni teme, maškar aver vi poezija, novele, xarne priče, thaj vi fikcijakê knjige pala śavořê. Vov ramol pe makedonicko thaj vi pe řomai śib.

Sar avera balkanicka řomaja avtorur sî vi o Sulejman desja laśes integririme ande nacionalno literaturaki scena: de kata o bêrš 1988 sî lo vi membro kataj Unija le makedonijakê avtorongi. Ašundo sî vov anda peskê esejur, save sî jek permanentno rodipe, te aven sja le manušêngê le isti čačimata.

Sar kulturako aktivisto sî lesko angažmano maj but pe nacionalno tereno (po egzemplo ande Makedonija). Vov formirisardja o maškar-themutno centro palaj literatura, kultura thaj śib le Řomengi ande Makedonija. Vov nakhadja maj but de 20 knjige pe řomaji śib, ramosardja but esejur thaj kontribucije pala promocija kataj řomaji literatura thaj kultura. Ando bêrš 2003 formirisardja vov o žurnalo »Prometheus« kaj sî ramome pe makedonicko śib thaj pe řomaji śib. O žurnalo angažiril pe palaj Řomengi śib, kultura thaj literatura.

(translacija: Mozes F. Heinschink)

Biblijografija (Izboro)

Сулејман, Јусуф. 1982. Голтарот тој човек го научи да се бори. Скопje: Студентски сбор. [Sulejman, Jusuf. Goltarot toj čovek go nauči da se bori. Skopje: Studentski sbor.]

Sulejman, Jusuf. 1983. S’është koha për elegji e megje. Shkup: Flaka e vëllazërimit.

Sulejman, Jusuf. 2009. Ko fr’f’ri kotar ko dživdipe e suvjakje / На врвот на животот на иглата. Skopje: Internacionalno centar literaturake, čhibjake taj kultura e Romengjiri.

Sulejman, Jusuf. 2010-2011. Kjhedime lila. T. 1-3. Skopje: Internacionalno centar literaturake, čhibjake taj kultura e Romengjiri.

Sulejman, Jusuf. 2013. Топаана / Topaana. Skopje: Internacionalno centar literaturake, čhibjake taj kultura e Romengjiri.

Сулејман, Јусуф. 2015. Избор или изгор. Скопje: Силсонс. [Sulejman, Jusuf. Izbor ili izgor. Skopje: Silsois.

Сулејман, Јусуф = Sulejman, Jusuf. 1987. [Со галии низ епохите = Yuz yillarca gemilerdeydik; selected and translated to Turkish by Esad Bajram. Скопје: Огледало = Skopje: Ogledalo.