Mgr, Rromanistica, Brno (Čexikani Republika), studirindas e Rromanistika ko Indiologikano Instituto po Filozovsko Fakulteti ko Karlsuniverziteto Prag thaj ramosardas peski desertacija pala o Dujto Lumako maripe sar dindogodipe pe Rromane jažura. Kotar o 2001 dži ko 2003 berš aktivno kerdas asistencija e Rromane jažurenge te roden thaj te len peski kompenzacija; ki akija vrama voj kedijas e mothoviba kotar e slovakijake Rroma so ačhile dživde. Ko 2005 berš ikaldas e publikacija “VzpomínkyRomů na válku a životpoválce” (Romenge dindogodja pala o maripe thaj o trajo ki maribaski vrama) kerdas buti pe metodikani vastuni pustik “Jak vyučovat o genocidě Romů za druhé světové války” (Sar te sikivas pala e Rromengo Samudaripen ko Dujto Lumako maripe), ikaldo ko 2009 berš. Kotar o 2005 dži ko 2008 kerdas buti sar Rromanistica thaj bilteneski redaktorka so ikaldolas kotar o Muzeumo pala e Rromani Kultura ko Brno, kote so kerelas buti pe dićharne thaj avera publikacije. Kotar o 2014 berš si kote šerutni thaj muzeumeski vice direktorka.