Franziska Sauerbrey sikili kulturalni studiji, teatrake studiji thaj komersjake studiji ande Viena/Bjechi, Paridzhi thaj Berlin.

Kerdjas buchi ka Théâtre National de l’Odéon ando Paridzhi, ku o Chelsea Group ando New York thaj vash vuni Njampcicka grupura.

Thaj-vi woi sikadjas ande Institucija vash Kulturalni Studiji ka Humbolt Universität ando Berlin.

Ando 2007, woi thaj Isabel Raabe fundisarde o “büro für kulturelle angelegenheiten – ofisa vash kulturalni trejabi” ando Berlin.

Kethane, won desinisarde thaj kerdine internacionalni kulturalni projektura sar eksibiciji, multimedijake performanciji thaj teatrake festivalura.

Ando 2012, pe pacima kathar o Kentralno Konsilo vash Njampcicko Sinti thaj Roma, o büro (i ofisa) ljas sama kathar o programo pala i inaugeracija vash o monumento vash le Europicka Sinti thaj Roma kaj sas mudarde telal Le Nacionalnone Socialisticko Guberno.

Ando 2014, Franziska Sauerbrey thaj Isabel Raabe kerdine audio-kenva pa o trajo kathar o Zoni Weisz (“Ein gutes Leben. Zoni Weisz erzähit seine Biografie”; Berlin: Vebrecherverlag , 2016).

Ando 2015, maj palal kathar ekh do-bershenge kezdimaske rodimasko periodo, Franziska Sauerbrey thaj Isabel Raabe kezdisarde o projekto “RomArchive – Digitalno Arxivo/Arhivo le Romengo,” saveske o Njampcicko Federalno Kulturalno Fundacija ingarela/suportila zhi-ka 2019.