O Django Reinhardt (1910-1953) pes rachinel kije nekbareder jazzovo lavutara andro 20‘ šelberš. Uľiľas andre femeľijate Manouche andre Belgija. O Reinhardt terňipnastar but predžiďiľas, peskero terňipen andro pažirsko regijonos the sikhavlas pes te bašavel pre gitara, lavuta the inštrumentalis prindžardo tel o nav banjo- gitara.

Pašoda, hoj predžiďiľas bari jag andro berš 1928, pro furt dukhadžas avri peskero ľavo vast the phiko. O Reinhardt, hoc has dukhado, kerďas peske peskeri techňika, hoj te šaj bašavel, pre agoreste has avri kidlo sar nekbareder Quintet du Hot Club de France. Le kvintetoha the avre suborenca, sar solistas chudľas maškarthemutno ašunďipen andal o 30’ berša. O Reinhardt bašavelas adaďiveseskere americke the francuzke jazzove bašavibena, tiš sthovelas peskere bašavibena, mek he perdal nacisticko okupacija andre Pariža andro jepaš 40’ berša. Pal o mariben, so les vičinďas e Duke Ellington geľas pro turne pal e Amerika. Andro berš 1953 muľas pro infarkt, ži andre kala berša phirelas te bašavel andre Evropa.

O Django Reinhardt hino prindžarutno angluno, kavka vičimen bašaviben ‘jazz manouche’ žanros, so džalas dijader andro 70‘ berša čirlatune šelberš the ži adaďives hin pal caľi luma bašado.