O Attila Szanto sasa bijamo ande Romania, ano Cluj Napoca (1985-04-22). Vov khelelas kotar e vrama kana sasa trine beršengo thaj phenel kaj vov legarelas i muzika an pesko vilo kotar cinone berš. Vov formalno astardas te sičol khleipe/tanco kotar peskere šov berša thaj pe kana sasa deše beršengo vov astardas te khelel publikanes.

Vov sasa member ande nekobor khelipaskere grupe ande komuniteta thaj, kana sasa dešuštare beršengo, vov astardas pesky relacija e Roma Fest grupasar. Pala kodi vrama profesionalno kerelas koreografija thaj sasa pe nekobor internacionalno festivalura trujal sasti luma. Vov dromarelas/phirelas/ ande Europa, Azia thaj Kanada.

Ko 2007-to berš vov avilas ande legendarno Cirque du Soleil. Von rodenas ole thaj dije leske oferta vaš panče beršesko kontrakto thaj pe kodi vrama, vov ačhilas čačuno specialist pe perkusije upral korkori peste thaj pe Roma (Gypsy) tanco.

Kana ko 2012-to berš olesko kontrakto nakhlas, vov irandas pes palpale ande Romania thaj akak legarel e Roma Fest grupa, savi so kerel turneje trujal e luma. E grupa isi specijalno relacije e Japanesar thaj si popularno ando them thaj butivar iranena pest e keren performance ando them. Roma Fest organizirnela but festivalura, edukacijakere klasura thaj khelibaskere ‘kampura’, kerindoj pašes buči e Romane komunitetasar ando them. O Szanto si legarutno tančero thaj koreografo.