“Me pakjav ke art kathar thaj pa le membria kathar le Europickone Romano Minoriteto shaj feri arakhel pesko than ande Europa te le Non-Roma kaj dikhen kadale art thaj le Non-Romane artistura prindzharen amari art sar Romani art thaj chuven la kaj kritikalno analizo.

Ando kado djes thaj vakto, si trobutno ke diferentni kipura trajin kethane ; feri won kaj dikhen le shaj suruchisaren dali vaj nichi sikaven realiteto.

Te kerel kadi decizija si le maj bare civikno responsabiliteto.”

Andre J. Raatzsch

André Jenö Raatzsch, biando ando 1978, ando Limeneau, chudas-pe/thodjas-pe ande but internacionalni eksibiciji desar le nakhle neshte bersha, mashkar lende, o maj angluno Romano Paviliono “Paradise Lost – Rajo Xasardo” kaj o Venice Biennale – Vinicicko Do-Bershengo ando 2007.
Maj palal kerdjas vuni artisticka thaj kulteralni projektura, kaj inkluzhilas “Rewritable Pictures – Pale-Skrijimaske Patretura;” savi – sar ekh partija kathar ekh studijaki buchi kaj haznil participatorjake thaj artisticka metodura – pushel, bufljarel, thaj kritikalnones kerel reflekcija pe privatnone Romane kipurenge archivura. (www.cultureanddevelopment.org)
O Raatzsch si akana ando pesko maj paluno bersh kathar pesko doktoralno programo kaj le Ungaricko Universiteto vash le Finicka Arta, thaj kerel buchi pe o transdisiplinarickone rodimasko topiko “The Roma Image Studio – Le Romane Kiposko Studio.”
Kado Romane Kiposko Studio si artisticko thaj kritikalno platformo kaj lancol i reprezentacija kathar Europicka Roma pale-rekonstruktionesa thaj de-konstruktionesa kathar Romano identiteto, kaj inkluzhin fotografija, fotografikicka archivura, thaj la fotograficko vorba kaj zhal pensa.

O André Raatzsch si e śerutno vaś e Dokumentacijaki Khukhin ando o Centro vaś Dokumentacija thaj Kultura aśal e Njamcone Sintura thaj Roma ando o Xajdelberg (Heidelberg).