I Italia savaht/sakana sasa sunego them vaš e Rrroma – ekonomikane migrantura kotar e Balkaneskere thema thaj Romania. Numa, olengo nomadikano dživdipasko stilo teli influenca katar e aktuelno imigracijakere politike thaj e rezultatura olendar, i influenca kotar e integrativno socijalno inicijative thaj olengere kontrapunktija, diskriminatorno, butivar rasistikane efektija, si karakteristikane vaš e Stungorigeskere thaj Čačunerigeskere Europutne themengo. Vaš kadala tematura si kerdine but dokumentarno filmura (thaj vi filmura) numa kodo so kerdas i Laura Halilovic si but lačhes. E filmosko alav referirinela pe trin importantno/mahat elementura: personalno toni (subjektivno naracija), storija/paramisi vaš jekh Rromani familija thaj o Woody Allan, režisero bare reputacijasar kasko subjektiviteto, vov si Amerikano Biboldo an kaskere filmura si tretirime vi e familijakere phučipena.

E Halilovic-ako filmo šaj te dikhel pes sar opozito kotar e Emir Kusturica-kere filmura (o motivo e phure mamijako savi so dživel ande temporalno teli o riziko te ovel paldimi katar – dela dumo akale obzervacijake). Numa, amen či trubuj te dikhas kodo filmo gasave jakhencar. O filmo šaj te dikhel pes vi sar filmo vaš o jekhe terne čhajako čačuno dživdipe savi so sar ovela phureder fokusirinela pes upral Bildungsroman jekha terne rromane čhajako savi so rodela pesko than sar migranto kasko dživdipe si buteder tradicionalno pe modernikano trajo ande Čačunergieskere thema. Rezultato kodolestar si jekh lačho, lošalo, filmo sar varesavo personalno lil savo so ironikane sikavela e konfliktura thaj e solucije so kerela jekh terni džuvli savi ovela phureder maškar e duj thema.

Recepcija

Phursak UCCA Prizo 20 citta, AVANTI!

2009 Jury Mention, Bellaria Filmesko Festivalo

2009 Cinema mamuj Rasizmo Prizo/Phursak

2009 Alberto Manzi Prizo vaš Majčaho Edukativno Televizijako Programo

2009 Audienciako Phursak, Balkan Luludžengo Filmfestivalo

2009 Majlačho dokumentarno filmo, Festival des 4 écrans,

2009 Majlačho stransko dokumentarno filmo, Jekh Luma Prishtina

2009 Majlačho Italijako dokumentarno filmo, Festival Visioni Fuori Raccordo,

2009 Majlačho autoresko dokumentarno filmo, Grand Prix Urti

2011 Golden Pram, Zagreb Filmfestivalo

2010 Majlačho avguno dokumentarno filmo, CMCA 2010

2013 Cineromani “Poetics and Politics” , 2013, Berlin Zeughauskino https://www.dhm.de/archiv/kino/cinemaromani.html 2017. jún. 12. 22:18:26 GMT.