Artur Conka si terno režisero thaj fotografo so kotar ohto berš dživel/trajil ande Bari Britania numa sasa bijamo ande Slovakia paše Kosice, pe industrijako regiono. E bare mahalkiri historija (kote so bešen majbut čorole Rroma thaj bikhereskere manuša) simbolikane sikavela sar i asimilacijaki politika kotar e socijalistikano režimo bazirimo upral o bučaripe savorenge, phagilas thaj gelas tele. Phandindoj e lokalno fabriken thaj bizi neve šajipena vaš buči, vaj te sičon nevi buči, bizi hainga vaš socijalno beneficije milje thaj milje manušenge savo so ačhile bizi buči, na numa ande mahala Lunik IX, numa vi pe sa e bareder industrijakere regionura ande Centralno thaj Čačunerigeski Europa. I familija Conka našlas kadale bibahtatar thaj arakhlas peske nevo kher thaj nevi egzistencija ano London.
Kana gelas ande pesko bijamutno foro ko 2009 berš sasa šokuimo kodolestar so dikhlas, o Conko phendas peske kaj musaj vi jekhvar te avel thaj te anel pesar peski kamera. Trujal peskere čhavoripaski reminiscencija, vov lokheste avilas pe kontakto e lokalno manušencar thaj kerdas jekh skurto dokumentarno filmo. Šaj slobodno te phenel pes kaj kodi sasa i avguni generacija kotar e intelektualcija thaj manuša so keren filmura. Numa iranindoj palpale kotar e Stungorigeski Eruopa ande čorolo geto, vov našti kamerasar te astarel doborom pašes i situacija, vi kodo so so vorbisarelas e manušencar pe rromani čhib so kerelas te oven pašeder kana kerelas intervju olencar. E faktongi naracija vakerdini e autorestar thaj i emotivno muzika kerena kontrapunktualno muzika vaš e pauperikani estetika ande kinematografija.
Recepcija
Aviram, Alon: ‘Artur Conka Photographs the Roma Poor He Left Behind’, Vice, 31 May 2013, https://www.vice.com/en_us/article/artur-conka-photographs-of-lunik-ix-make-me-sad
Conka, Artur: ‘What Is Life really Like for Roma Families Around Europe?’, Huffington Post, 13 May 2013, http://www.huffingtonpost.co.uk/artur-conka/roma-families-in-europe_b_3253404.html