I produkcija thaj i recepcija ande Bence Fligauf-esko filmo sikavela e post-socijalistikane kulturikane, socijalno thaj politikane dživdipasko trujalipe ande Centralno thaj Čačunerigeski Europa, sar so si vi e filmeski tema bazirimi upral e serija katar rasistikane atakura upral e Rroma kote sas mudardine 6 Rroma (maškar lende 4 beršengo čhavoro) thaj but sasa dukhavdine pe vrama maškar 2008 thaj 2009 berš. Džaindoj pala o režiseroski frustracija katar kodo so ačhilas pes (thaj paralelno kodolesar kana kerdilas pes radikalno čačunerigeski paramilitarno organizacija, Hungarijaki Garda) andas dži pe kodo, vov te kerel kodo filmo kasave tematosar.

Pala lungevramaki preparacija thaj obzervacija ande Rromane komunitetura, dživdindoj ande bilačhe socijalno thaj ekonomikane kondicije, vov kerdas plano kote so, an centralno than, čhivdas terne čhavores thaj leskere familija so dživenas teli dar kotar rasistikano atako. E manuša so kerde o filmo line e zurale atmosfera, kerindoj vizuelno thaj narativno instrumentura kolencar sikavena storija vaš i dar. Von mištes mapirinde vi e aktuelno hierarihija ande Hungarijako ruralno societa savi si determinirimi kotar o socijalno statuso thaj butivar vi etnikane konfliktura. E na-profesionalne akterura khelen e role, numa but situacije pe jekh rig, empatikane refletirinena e filmadžijengere dur dikhipena.

I “tačardi” filmoski recepcija sikavela e Hungarijakere societako/themesko pharipe kotar kadi vrama, te ikljol pe rig vi nakhle vramasar vi adadživesitne vramasar. Serija katar e atakura upral e Rroma sasa kheldine ande teatroskere drame, fotografikane thaj arteskere instalacije, numa khančik kodolestar na dijas doborom baro responso sar so kodo kerdas o filmo Csak a szél (Numa i balval).

Recepcija

62nd International Filmfestival, Berlinale, 2012, Jury Grand Prix – Silver Bear https://www.berlinale.de/en/archiv/jahresarchive/2012/02_programm_2012/02_Filmdatenblatt_2012_20123683.php#tab=filmStills

Strausz, László: ‘Producing Prejudice’, Romani Studies 5, vol. 24, no. 1 (2014), pp. 1–24

Berkovits, Balázs and Jónás, Marianna: ‘Azért nem csak a szél…’ http://beszelo.c3.hu/onlinecikk/azert-nem-csak-a-szel-%E2%80%93-fliegauf-bence-filmjerol (accessed 6 June 2017)