Kava si monodrama skrinisardi pala Natalija Cekova katar dramatist Zdrava Kamenova thaj Kalin Angelov savo kerda vi režija. Dramako kotor si kombinacia pala bašalipe thaj teatro,pala Rromnji savi kamel te bistarel piro Rromanipe thaj te čhudel les pe rig te bistarel les. Voj sa kava kerel godolese te kamel las o manuš saves voj but kamel. O manuš si gadžo thaj voj kamel te xosel piro identiteto thaj te nevljarel pes.Kana avel nevljardini kana bistarel kaj si Rromnji voj gindil kaj o gadžo ka kamel las; Voj kamel te avel objekto saves gadžo kamel numaj či džanel kaj ka avel streno korkore peske. Voj džal po drom te kerel piri viktimizacia thaj te astarel gadžesko kamipe.

Sar e drama džal maj dur,voj lel te gindil pala good sasa ande nakhli vrama, dikhel parne elefanto savo maj dur transformirilpe and Indiako cirkuso, savo po agor merel katar e nostalgia. O cirkuso si e Rromnjako akanutno kher pal o elefanto si sar lako duho savo džal pala late thaj laki phen. O elefanto džal pala laki sasti familia vaj sar lengi morći xasavol ande generacie sar aven o elefanto avel korro.

Avel lake ande gođi kaj vareko akharda bilačhe drabarnja te xosel e elefanto andar lako šerro thaj lake phenjako. Dži kaj vakarel pala good so sasa lasa thaj lake familiasa,dži kaj vaćarel sar kamel te avel negative slajdo (pilta) pire mujesko thaj balengo,voj čhudel pire kotorvale gad ate sikavel pire bijaveske gada. Svako serope (memoria) ciknjarel jekh kotor lake koloresko (bojavako) vaj vazdel opre jekh kotor lake identitetosko. Maj palal xaćarel kaj si lako kalipe, lako elefanto,laki prnangi memoria maj šukar deso lake bijaveske gada.