O filmo crdela scenaja sar ujrala makhi, numa e dikhutne našti te dikhen, soske i kamera pirela kidijal so mujil kaj voj si i makhi. I kamera credela upraldan kotar e mahalakeri rig, snimindoj/astarindoj kotora e kameraja pe kereskere učharina , e avlina thaj e feastre/džamija, pala kodo ko agor i “makhi” ačhovela pe Vejsileskero piko. Vov si Romano čhavoro khon traisarel varekate paše dži ko Zagreb. Jekh dive vov uštela anglal o izmiri thaj uravela pesko majlačhe uravipa. Šunindoj thaj džaindoj pala o vakheripe kotar jekh filmesko profesionalco khon prepindžarela oleskero talento pe kheribe pikture/makhibe/crtibe o Vejsil lela decizija te džal te hramonel pes ki škola.
Sar so phirela o drumo paše o kanalo so legarela les ki škola, kidijal ole isi but phariba so musaj te nakavel te šaj te resljarel pesko ciljo. Vi adava so vov ka nakvel o phariba ka del sa pestar naj te resel pe vrama ki škola ka resel but/kasno/pala i vrama. Thaj adava so o filmo naj kherdo katar e Romano autoro, vov detalno sikavela o crdipe so nakavela jekh Romano karaktero thaj lela andre interesantno vizuelno solucije te anel pašeder te sikavel e zakonesko dekreto.
I kamera bare samaja džala pala e Vjesil, kodoleske, i storija sar avgo vorba si prezentirimi kotar oleskeri personalno perspektiva. Na sikavena pes e pharutne kondicije kolencar o Vjesil musaj te marel pes. Amari atencija/sama pohari pharuvela pes oleste, ko oleskero muj kova so sikavela bilošalipe/nasiguripe te šaj te resljarel pesko ciljo.
Ko agor o filmo pharuvel pes: ki paluni scena, o Vejsil thaj oleskeri artistikani buti sikavde si pe TV, pe than paše o kanalo. O žurnalisto kotar i televizija prezentirinela ole sar 12-beršengo Picasso.
O dikutneske ačhovela te phučel pes si li e Vejsileskero sikavipe panglo oleskere pašeder avutnipaja, vaj pale si akanana kodo ko akanutno momento kotar so i sasti paramisi džala dureder.
O Kanal sine distribuirimo sar kotar katar e Zagrebeske Storije, bazirime pe skripte vaš e skurto khelutne filmora hramosarde pe tematora vaš e Zagrebeske komunitete.
O Zoran Sudar si Krojacijekero režisero khon kerel promotivno video materijalora thaj TV filmora. Oleskero glavno khelutno filmo, Palutni volja (2001), andas leske prizo/pursak Sumnakani Vudara sar majlačo debi kotar e dikhutne pe Filmsko Festivalo ki Pula. O hramosardo scenario vaš o Kanalo si hramosardo katar i Sanja Kovacevic. Olakero scenario vaš akava skurto filmo sine jekh kotar e majlačhe scenariengi kompeticija ko foro Zagreb.