Somnakuni Ričini vaš Majlačho Skurto Filmo ande Berlin Film Festivalo šoha naj sas dendi vaš doborom terno režiseri sar so si o Leonor Teles. O Teles sasa bijamo ando Portugalo, ande familija save isi rat kotar e lokalno Ciganos (Rromani) komuniteta. Olako agoruno školako filmo, Rhoma Acans (2013) sasa but lačho, numa o filmo Batrachian-eski Balada kerdas ola te ovel but laches prendžardi pe sasti luma.

Kodo skurto filmo si friško vi provokativno, oleski forma sikavela na numa kodo kaj voj haljovela but laches e filme sar medium, numa si vi jekh kritikano filmo mamuj e tradicijako sikavipe bute klišeoncar thaj khetanutne thana. E filmoskere naratives isi but video arhivako materijalo, specijalno Super 8 kherutne video kotar e Teles familija.

Maškar kodi vrama, jekh rromani paramisi si vakerdini pe voiceover/glaso upral glaso vaš e fundaribaskere sekvence, thaj olakiri aktuelizirimi parafraza (sikavindoj pes sar režiseri kana sasa čhajori) džikote džala e filmosko phandavibe. Astarindoj familijakere slebracije/bare divesa, sikavindoj čhaven sar dikhen pe kamera, si paše e dramatikane fabulasar vakerdini vaš marginalizirimi egzistencija. Maškar e kherutne filmeskere sekvence, amen dikhas vi scene katar e žambe pe lengo naturalno habitat.

Pali kodo amen dikhas jekh perfomansako-stiloski akcija kote so o režiseri džala pe bolti thaj astarel te phagel e keramikane žamben – akcija savi so trubuj te del godži e Rromen. “O filmo si bazirimo upral ideja, šaj naivno, kaj i akcija šaj te anel dži pe gindengo pharuvipe. Mangavas te kerav filmo savo si energično, ironično thaj bizi dar vaj ladž. Filmo kote so o Punk si jekh opozicijako thaj politikano element, numa pe jekh vrama si vi estetikano. Skurto filmo sar godžaver gindipe, keripe bizi but gindipe thaj atraktivno sar so si i Punk muzika. Sar režiseri, me gindisardem kaj si importantno/mahat kodo temato te tretirnel pes phravde vilesar thaj pakhivales. Sa so phagela e kanunen thaj si mamuj o konvencionalno, savaht ovela kontraverzno; thaj sa kodo egzaktno ačhilas pes e filmosar Batrachian-eski Balada. Trubujas te phagen pes e žambe. Ten a phaglem e žamben, ten a kerdem khančik te ačhavav kodo, me naštine sine te adresirinav o temato, me numa ka garavavas kodo phučipe” – phenel o režisero.

I korkorutne-dokumentirimi performativno akcija sikavela kaj si efektivno, zuralo artistikano instrument kate numa vi pe vaver filmura (egzamplo/missal Mure Lileske Patrina).

E žambengo phagipe si metaforikano kritikano gindipe, generalno dikhindoj savo so: anela dži pe pharuvipena ko gindipe, mentaliteto, čhib thaj pes a e ksenofobično gindipena.

Recepcija

Golden Bear for Best Short Film, Berlin International Film Festival, Germany, 2016
and approximately seventy other festival participations over a period of eighteen months.

Listed here: http://portugalfilm.org/film_detail.php?cd_movie=18