La Jessica Reidydijaki proza thaj lakê poemur phanden priče kata laki evropaki mami thaj kata lakê aver evropakê parampapur, lakê haćarimasa sar amerikaki manušni dujtona generacijaki kaj sî řomane řêdêčine. E Jessica mothol thaj ramol pe englesicko śib. Voj či kamel te xasarel peska řomaja familijakê tradicije: drabarimos, khêlimos thaj o drabarimos anda čajoskê patrja; ande isto vrjama kamel voj te peravel le stereotipur, save sikaven Řomnjan erotično thaj athavne. E Jessica kamel te sikavel, kaj sî kadala stereotipur xoxamne.

»Why the Pyres are Unlit« « [›Sostar aśên le thode kašt biphabarde‹]: katka ramol e Jessica pa tradicije peska mamijakê kaj dja len maj dur. Pe kodola tradicije sî uključime o pačamos pe l’ mule thaj po beng, le tabuur sar te trajil jeg familija, užimaskê zakonur thaj o źanglimos pa prirodni draba.

Tekstoski proba katar

Reidy, Jessica. o.J. »Why the Pyres Are Unlit«. In »Drunken Boat 22«. https://perma.cc/FFR9-M9NP [http://www.drunkenboat.com/db22/romani/jessica-reidy]