O Zlatko Mladenov biandilo 1959 ando Pernik (Bulgarija). De katar le 1990-utne bêrs sî lo zurales angažirime sar Bulgarijako řomano aktivisto, kêrelas butji ande diferentni NGO-ur taj de katar 1997 vi ande organizacija »Kupate«. Vo avilo vi direktori katar le Řomengo centro »Sv. Georgi« kaj formirisajlo 2003 ande Sofia. De katar 2000 źi ka 2007 sas lo bordosko membro ando maškar-themutni Romani Unia. Vov sî jek baro fantastično śibako artisto taj eksperto la śibako taj la kulturako peska etnijako. Kupate la śibakê pedagogosa Dr. Hristo Kyuchukov ramosardja lo jek skurto gramatika pa bulgaricko kêlderašicko dialekto. O Zlatko Mladenov trajil ande Sofija.

Literatura

Fennesz-Juhasz, Christiane; Cech, Petra; Heinschink, Mozes F.; Halwachs, Dieter W. (Hg.). 2012. Lang ist der Tag, kurz die Nacht: Märchen und Erzählungen der Kalderaš / Baro o djes, cîni e rjat: Paramiča le Kaldêrašengê. Klagenfurt: Drava Verlag.

Kyuchukov, Hristo; Mladenov, Zlatko. 2004. Kratka gramatika na kalderashkija romski dialekt v Bulgaria. Sofia: Delphi.