Ande luma prendžardine Victoria thaj Albert si legarutno muzeumo (V&A) ande arto thaj dizajno. Isi ole barvalipe trujal e granice thaj si ole ekstenzivno permanentno kolekcija kotar buteder sar 2.27 millionura objektura. Sasa kerdino ko 1852-to berš thaj sasa anavkerdo pala e Thagarni Victoria thaj o Princo Albert. O muzeumo si teljardo ano foro London, pe Khetanutno Thagaripa thaj si jekh na-departmaneso publikano kotor savo si sponzoririmo kotar o Departmento vaš Kultura, Mediumija thaj Sporti. Kodo kerel e muzeume te ovel tromalo/slobodno thaj kotar 2001-to berš o V&A, sar e vavera nacionalno muzeumura, či pokinen vaš dejbe andre.

E muzeume isi nekobor kolekcije thaj buteder thema thaj culture si lendine thaj prezentirime. E muzeume isi majbari kolekcija pe luma katar e post-klasikane sculpture, kote so e Italijakere Renesansno kotora si majbari kolekcija vrijal I Italia. E Azijakere kolekcije, lena buča kpotar e Teluni Azija, Kina, Japano, Korea thaj vi kotar e Islamikani luma. I islamikani kolekcija si jekh kotar e majbare ande Čačunerigeski luma thaj Teluni Azijakere kolekcije sikavena keramikane thaj sastrunale buča. O V&A khedela but ververeder objektura so kerela e muzeume jekh kotar e majbare ande luma.

Sostar e muzeume isi but departemnuta save so ikerena thaj garavena milionura objektura, isi vi but arhive phutardine vaš e publika pe edukacijakere thaj rodimaskere cilura. E V&A-eskere arhive si but buhle thaj si legardine kotar kuratorura save so si but prendžarde pe lengere umala. O V&A phutardas peskere Teatroske thaj Performancajere Arhiva vaš e RomArchive Khelibaski sekcija thaj dijas šajipe e timoske te lel e relevantno buča kotar pesky databaza.

Sar so e V&A-sko website phenel “the V&A-ski Teatro & Performansakere Arhive si nacionalno kolekcija kotar e performiribaskere artija save so dokumentirinena akanutne praktiken thaj historija kotar sa e areje katar performiribasko arto ande UK, leindoj kate e drama, o kheliba, e opera, cirko, kukliribe, komedija, muzikane teatre, kostimon, setosko dizajno, e pantomime, popularno muzika thaj javer. E V&A-ski Teatrikani thaj Performansengi kolekcija sikavela e khelibaski historija kotar o 17-to šelberšipe dži pe adadžisutne divesa. Khedela but ververeder formen kotar o khelibe kotar o muzikako holo dži pe baleto thaj pe jekh vrama učharela vi e historija kotar e Kalengo thaj Telune Azijakro khelibe ande UK.
I kolekcija sasa kerdini ko 1920-tone berša kana o privatnikano kolektoro Gabrielle Enthoven donirindas pesky ekstenzivno kolekcija katar e teatrikane dizajnura, memorabilija, lila thaj fotografije vaš o muzeumo. Kotar kodi vrama i kolekcija lokheste astardas te bajrovel. Specijalno zurale si e arhive kotar e klejako teatro, teatro thaj khelibaskere kompanije, 20-to šelberšipasko scenako dizajno, akterura thaj režiserura, fotografura thaj gavernoskere departmenura sar so si e Artesko Konsilo. Tipikanes, e arhiva isi vi buhlo rango katar e materijalura sar so si lila, korespondencija, manuskriptija, fotografije, bizniseskere lila thaj dizajnura.”

E kotora čhuvde ki Romani Arxiva si nekobor pikture so sikavena e lumake pindžarde baletesko khelutne o Fanny Essler, sikavde si e kostumora thaj e printura. Sa e kotora kotar e V&A si unikatno thaj si važno kotar pala e Romengero khelutno narativo.