O Tibor Balogh (bijando ando o 22-to majo 1975-to berś, Fexergjarmat, Ungriko Them) beśel thaj kerel buki ande Budapesta thaj sas ekh katar e avgutne romane artistura te resavel katar e Ungrikani Akademija vaś Laćhe Artura. Vov si kotoravno (membro) vaś e Liberalne Presionistura thaj e Asocijacija Ciganono Seminaro, leski buki principno tholandre farbamakhipe, instalacija, grafitura thaj koncepsualno arto.
Leski diplomaki buki sas ekh serije vaś xarkune platura motivirime katar lesko gavutno ćhavutnipe savo si pherdo fragmentonenca vaś leske studentone berśa save vov trada len ande Budapestako 8-to rajono. E serie thonandre e laćhe źangli buki »E Romani Źuvli e Angelosa.«
O Balogh sas kotor ande e ekzibicija »Garavdo Xolokausto« ando o 2014-to berś ande Budapesta Kunsthalle duje bukjanca. »Bititolovime« si duj sar kripto thana save si kerde katar e thuvinkalinake cigle ekhe romane Xolokaustone giljasa baśaldi upral. E buki naj sade (numa) rodel e Balogh-asko ćhavutnipe thaj trajoźanipe (eksperiensa) vaś mukhipe, ama i aćhel sar ekh memorija vaś e romane źene kon sas mudarde.
Leski ekhtaheni buki e Janos-e Bari-esa, e instalacija ‘Thavdino’ si ekh buta kaske mere si 1 x 1 2.3 m, istoriejenca, dokumentonenca thaj fotografijenca vaś o romano xolokausto save si upral e andrune riga (duvarja). Ciknore epruvete sas thondine ande e butasko andredipe ekhe instrukciejenca pe e avrutne riga. E kotoravne (participantura) line ekh epruvata ande savi von te kiden peske asvja źikana si andre ande e buta, thaj sas len o śanso te thon pesko alav pe lende. Atoska von den len ka o artisto via ekh putaripe, kon thoda len turjal e buta sar ›briśindeske thavdalina‹. Ekh śel źene line than ando o projekto kaj sas kerdo anglal e ekzibicija thaj e aćhila (evento) sas la o seripe vaś ekh romano źungavipe. E sikavde bukja sas reinstalirime sar ‘Birśindeske Asvja’ sar ekh kotor katar o Avgutno Romano Paviliono vaś o 52-to Venice Biennial.
O Balogh kerda buki sar ekh grafikano dizajnoro aśal o Amaro Drom ekh romani periodika (magazino) katar o 2007-to berś źi kana o lil phando ando 2010-to berś. Ando o 2010-to berś lesko plakatesiko dizajno la 1-to Prizo ando o Arc Plakatonengo Konkurso.
www.baloghtibor.hu
Ekzibicije
2007
Paradise Lost – 1st Roma Pavilion, Venice Biennale, Venice
2013
FREE-PROFESSIONISTA DOBBANTÁS – Pintér Gallery and Auction House, Budapest
2014
BALOGHH/AMARO/LINE – Gallery8, Budapest
2016
Baloghh Tibor - Konstrukció & Vonal – solo exhibition, SESZTINA Gallery, Debrecen
Source: artist