Simon Renou [https://simonrenou.wordpress.com] si artisto, khelutno, filmengo manuš, režisero thaj scenako komedijanto. Ole isi buteder sar biš berš eksperienca kerindoj buči ande arto thaj sasa TV reporter vaš efta berš. O Renou si manuš so khamel te dodžanel sa thaj te kerel buči interdisciplinarno. Vov hramonel scenario, kerel performance sar khelutno thaj klovno thaj reslas but prizura vaš projektura save so anena khetane o khelibe, filmo thaj animacija.

Sar filmografero vov producirindas nekobor buča thaj sasa hemimo ande proćektiribasko mapiribaskere projektura, filmura vaš khelibe, thaj hramonelas thaj režirinelas peskere filmura thaj buča. Oleski kolekcija katar e video šaj te arakhel pes kate pe: https://vimeo.com/simonrenou. O Renou kerdas o filmo Transmission, skurto filmo savo so sikavela e khelutne Petia Iourtchenko savo so vorbil vaš o pašipe maškar o koreografo thaj o khelutno. I koreografija vakerela storija/paramisi vaš jekh performer, profesoro thaj sičari. Sar režisero vov phendas ‘Me khamav numa te sikavav o khelibe thaj te mekhav e publikake te kerel pesky interpretacija. Me lijem participacija e Petia-sar thaj e Alissasar pe koreografija thaj performance. Kodo si ko-kreiribe.’

O Renou arakhlas pes e Pétia Iourtchenko-sar ko 2011-to berš džikote filmuinelas pesko khelibe thaj zamanglas pesky buči. Džikote kerelas o filmo, o Renou phučlas te šaj te avel ande Iourtchenko-sko kurso thaj vaš šov berš vov studirindas teli lesko legaripe thaj kheldas e kompanijasar Romano Atmo. Akak o Renou, kerel nevi kolaboracija thaj kerel buči upral neve projektura ačhoindoj pašes e Romano Atmo-sar athaj e Iourtchenko-sar.

E Renou-aski kolekcija vaš RomArchive si jekhutno haing katar e materijalura save so džan kotar e filmura vaš Pétia Iourtchenko-sko sičaripe thaj koreografija, dži pe cikne video kotar Motion Capture projekto savo so e solduj legarenas. O Renou khamel te hemil e tradicionalno thaj kontemplativno thaj leindoj pesky modern tehnologija, dijas pes leske šajipe te ikerel e Romano kulturakoro barvalipe.