E Raisa Nabaranchuk (pseudonimo: Rani Romani) bijandili 1943 ando foro Kiew. Pe kuća vrjama, o Kiew sas okupirime kata l’ njamcur. Lako dad sas serviticko Řom, laki dej rasejcicko Řomni. E maj but vrjama peskê trajoski, e Raisa kêrelas bući sar frizerka. Kaća bući ankêrlas laki familija generacijenca. Ando bêrš 1960 lja voj te ramol. E ramomaski bući sas lako hobi ź’ ande 1990-utne bêrš. De, atunči lako njamo, e Mikha Kazimirenko dja la zor, te publiciril vuni kata peskê poemur.

Ande palune bêrš avili e Raisa desja aktivno ande pesko publikako trajo: Voj participiril pe řomane studijengê programur pe l’ univerzitetur Kiew thaj Černihiw (Ukrajina) taj prezentiril o řomano društvo pe diverzni festivalur thaj koncertur ande Ukrajina thaj strêjinone themende.

E Raisa but ašundili anda peski poezijaki knjiga »Мирэ дрога дрога мануша, кэ тумэ мирэ мирэ лава« / »Mire droga manuša, ke tume mire lava«, kaj anklisti 2015.

(Ilona Makhotina; translacija Mozes F. Heinschink)

Literatura

Рани Романи. 2015. Мирэ дрога мануша, кэ тумэ мирэ лава. Київ [Rani Romani. 2015. Mire droga manuša, ke tume mire lava. Kiev].