Nina Pehlivanova si bijandi pe 1986 bersh ki Sofia, Bulgarija. Ki vrama khana sine ki mashkarutni shkola voj crdija te sikavel intereso pala e javera inicijative pala e manushikane chachimata thaj nakhljas trin bersh ko Ternengo Bugarijako Lolo Troshol. Odori voj sikljiljas vi vazdijas lako intereso vi dzaniba te kherel buchi duje socijalno minoritetencar vi organizacijencar.

Dzi ko 2009bersh, i Pehlivanova lijas than ki rezhija ko nekoborom filmora ki Bulgarija sar dujto direktoresko asistento. Akate genaven pes e skurto filmora »Pawnshop/phurane shejengi bolta/« (2011), »The Judgement/Andi decizija« (2014), »Chain/Lanco« (2014), »Getting Fat in a Healthy Way/Te oves tulo numa sasto« (2015) vi »Red Light/Loli Rosh« (2016). Mashkar akaja vrama, voj agorisarda i shkola pe Nevo Bugarijako Univerziteto (NBU) ko 2010 bersh, e diplomaja vash e filmo.

I Pehlivanova si membro/dzeni/ ko NISI MASA, Europaki Drakin/ Networko/ kotar e terne kinematografora. Dureder panglo olakere participacijaja ko filmo, voj kerela buchi ko Misafirengo/Gostengo Departamento ko Internacionalno Sofijako Filmsko Festivalo.

Akana i, Pehlivanova lijas olakero fokuso te chivel ki olakeri buchi te producirinel dokumentarno filmora. Olakero avgo lungo vramako filmo si o »Roma Quixote/Romano Kihot«, kova sine kerdo ko 2013 bersh ki ko-autorsko relacija e Petya Nakova. O filmo dzala pala e shtar javera individue thaj pala olengere familije, kola so train ki Romani komuniteta ko foro Kyustendil, Bulgarija. O filmo sine nekoborom droma sikavdo pe oficijalno Selekcija ko Cottbus Filmsko Festivalo pe 2013bersh.

Referense

http://romaquixote.com/en/film-team/nina-pehlivanova

http://www.nisimasa.com/

http://siff.bg/en/

https://www.youtube.com/watch?v=v-jdNAANqZ4

http://www.dokument-festival.com/industry/emerging-producers/2014/pehlivanova-nina

http://www.imdb.com/name/nm5352503/

Filmografija

2013 - Roma Quixote