O Joaquín Albaicín (1965) sî formacijako membro kata International Romani Writers’ Association*. Adjes sî lo o maj ašundo řomano avtoro, kaj ramol pe španiolicko śib. O Joaquín kêrel paša peski literaturaki bući ande Španija vi žurnalisticko bući. Vov avel anda jek anšundi španijolicko artističko familija: Leski dej thaj leski bari bibi sas ašunde flamenkoskê khêlitorke, lesko papu sas o ašundo torero o Rafael Albaicín.

Ande peskê esoterički narativni delur o Joaquín ramol paj mitologija thaj paj tradicionalno řomaji kultura. Ande peskê delur »Gitanos en el ruedo: el Indostán en el toreo« (1993), »La serpiente terrenal« (1993), »En pos del sol. Los gitanos en la historia, el mito a la leyenda« (1997) thaj vi ande pričengi knjiga »La Estrella de Plata« (2000) pratil vov le Řomengo poreklo, kaj sî źi adjes kontroverzionalno debatirime maškar le etnologur. Pe kodja sama uključil vo vi pe fikcionalo sama le diverzni porekloskê mitur. Xarakteristično pala leski proza sî e oscilacija maškar faktualno knjiga thaj naratologija, maškar realiteto thaj fikcija. Sa kadala elementur arakhas specifično ando »Diario de un paulista« (Madrid: El Europeo & la Tripulación 1995). Kako teksto sî sar jeg svako djeseski dokumentacija, leskê paposkê trajoski.

(Translacija: Mozes F. Heinschink)

Bibliografija

Albaicín, Joaquín. 1993. Gitanos en el ruedo: el Indostán en el toreo. Madrid: Espasa Calpe.

Albaicín, Joaquín. 1993. [La serpiente terrenal: Link_intern lit_00108_03]. Barcelona: Anagrama.

Albaicín, Joaquín. 1995. Diario de un paulista. Madrid: El Europeo & la Tripulación.

Albaicín, Joaquín. 1997. En pos del sol. Los gitanos en la historia, el mito a la leyenda. Barcelona: Obelisco.

Albaicín, Joaquín. 2000. La Estrella de Plata. Madrid: Sugerencia.