Vov javerencar kerdas e Gypsy, Roma, Traveller Policijakire Asocijacija ande UK thaj si bijamo ande Gypsy karavano kote so barilas peskere papusar e Tom Smith-esar kotar o Bloxham. Vov phirelas ande škola thaj reslals dži pe univerziteto kote so phirdas, mangindoj te ačhovel pašeder dži pe leski familija. Pharvidas nekobor buča thaj ačhilas ande Thames Valley Policiajo serviso, numa kote vov dikhlas but rasistikano bilačhipe. Ažutimasa kotar leski familija vov kerdas rovipe mamuj kodo thaj kana lijas pozitivno otvjeto, vov insistirinelas te džal pes ande kriss. Vov arakhlas pes Petr Torok-osar, Slovakijakere Romesar savo so avilas ande policia. Khetane, von kerde e Gypsy, Roma, Traveller Policijakere Asocijacija, savi so formalno sasa astardini ande Parlamentosko Kher ko 2014-to berš. E policijakere ofiserura thaj e javera bučarne save so dži pe kodi vrama garavenas pengo Romano thaj Phirutnengo identiteto, vaš avgo drom astarde te phenen pes so si, thaj i policija adoptundas/lijas politike vaš maripe mamuj o anti-Ciganizmo thaj ande policija te len Gypsy, Romen thaj Phirutnen sar policijakere ofiserura. O Davies thaj Torok vorbinas but pe NGO thaj javera khidipena. Ko 2017-to berš, o Jim Davies gelas pe penzija kotar e Policijako serviso thaj lijas jekh berš te džal ande Japano, numa vi dureder delas kuražo peskere kontaktonge ande Romano Civilno Hakajengo miškipe thaj arakhelas pes peskere romane amalencar ande Japano.