Isabel Raabe sikili stenako khelimos thaj maj palal, kulturalno manadzheripe ando Berlin.

Sar kulturalno produktora, woi kerdjas buchi ande but instituciji ando la Berlineska kulturalno luma, mashkar avrende sar projektosko koordinatora vash “Büro Kopernikus – Njampcisko-Polskickone Kulturalni Projektura”, iniciativa kathar o Njampcicko Kulturalno Federalno Fundacija.

Ando 2007, woi thaj Franziska Sauerbrey sas le duj funditora kathar i independentno “büro für kulturelle angelegenheiten – ofisa vash kulturalni trejabi” te kuratil thaj te produktil penge personalni produkciji le maj but kaj sas ando internacionalno konteksto.

Kerdine eksibiciji, multimediake performanciji thaj teatrake festivalura ku, vash egzemplo, artistura kathar o Kosovo, Moldova thaj Ekuadora.

Maj palal, sas len pengo maj angluno artisticko kontakto le Romensa kana kerdine analizo kathar le kulturi le Romane manushenge.

Ando 2012, o Kentralno Konsilo vash le Sinti thaj Roma djas komisija ka lengo büro (ofisa) te len sama kathar o programo vash i inaugeracija kathar o monumento vash le Sinti thaj Roma kaj sas mudarde telal le Nacionalnone Socialisticko Guberno.

Ando 2014, Isabel Raabe thaj Franziska Sauerbrey kerdine audio-kenva anda o trajo kathar o Zoni Weisz (“Ein gutes Leben. Zoni Weisz erzähit seine Biografie”; Berlin: VerbrecherVerlag, 2016).

Maj palal kathar but rodimos pe artisticko thaj kulteralno personalno representacija le Romane manushengi, Isabel Raabe thaj Franziska Sauerbrey kezdisarde o projekto “RomArchive – O Digitalno Arxivo/Arhivo le Romengo.”