Isaac Blake, kuratoro, koreografo, khelutno, direktoro, mishkibasko tutoro, khuklengo manush vi animatronichno khelutno, si Romani Gypsy khon kerdas buchi sar profesionalno khelutno thaj koreografo. Akana si sherutno manush/direktoro ki Romani Cultural and Arts Company (Romani Artistikani Kompanija, RCAC) ko Cardiff, Bari Britanija, savi si vazdimi kotar o Centre for Equality and Diversity (Centro vash Egaliteto vi Javeripa), BBC Children in Need (Chavore telal o riziko), o Big Lottery Fund (Baro Lotarijako Fondo), e Cardiff-esko Foresko Konsilo thaj o Foresko Konsilo Newport. Vov kherela buchi e Romane, Gypsy thaj Pirutnengere Komunitete trujal o them.

Kotar o 2000 dzi ko 2003 bersh, o Blake sikljailas ko Laban Dance Centre (khelibasko teatro Laban so si Khelibasko Centro; akanutno Trinity Laban Konzervatoriumo pala I muzika thaj khelibe ko London). Ko Laban, vov kherdas buchi bared numereja artistoncar vi kompanijencar, genindoj vi e Adventures in Motion Pictures (Avanture ko Mocijakere Pikture, AMP), DV8 thaj o Baleto Rambert. Khana agorisardas peske studije ko Laban, vov geljas dureder pire studijencar ko New York ki shkola Martha Graham. Dureder kerdas khelinenge/performansenge/koreografije ko Wales Millennium Centre thaj ko Royal Welsh College of Music and Drama (Thagarutni Velsesko Koledzo vash e Muzika thaj Drama), kote so vi dureder sikavela pes o kotor.

Sar egzekutivno direktoro pe Romani Cultural and Arts Company, o Blake organiziringja artora vi programsko performance/khelina vash e tikne chavore thaj e bare ko karavanoske thana kote train e Gypsy vi e Pirutne, kerdas buchi ko shkole thaj koledzora, kerdas promocija pe arto mashkar e Gypsies, Roma thaj Pirutne trujal o Wales sar mediumo vash e zuralipe thaj lobi. Vov si angazirimo buvleste e na -Gypsy komunitetencar te azutil dijalogo thaj te pharuvel I socijalno kohezija. Telal oleskero legaripe/lideripe vi menadzment o RCAC barilas kotar e cikni volontarno grupa ki bari agencija kotar o trito sektoro (NGO) agencija ko Wales fokusiirmi pala e Romane vi Pirutnenge phuchiba, vov si legaribasko aktoro ko prezentiribe thaj zuralipe ande e Bari Britanija.