E Edit Köszegi (bijandi ando 10-to augusto 1952-to berś, Gjula, Ungriko Them) beśel thaj kerel buki ando o Ungriko Them sar ekh filmo direktora, dramaturgo thaj scenografo. Ando o 1975-to berś voj la ekh nivelo ande Biblioteka thaj Bare Manuśengo Śkolipe katar o Eotvos Lorand Universiteto, Budapesta, thaj palal gadava ando o 1980-to berś voj resavda pesko śkolipe ando o MAFILM scenografijako koleźo. Maśkar o 1980-to berś thaj o 1990-to berś voj kerda buki sar ekh dramaturgo ando Hunnia Film Studio, kajte voj ramosarda khajekh katar lake ramosaripenata aśal filmura, save thonandre aśal e Surani Andraśe-ski »Erozija«. Katar o 1980-to berś voj kerda buki sar ekh dokumentalno filmoski direktora ando o Hunnia Studio thaj o Forum Film Alapitvany (Fondacija Filmosko Forumo), kaj inkjarel ekh specialno fokuso pe etikane thaj subkulturne tradicije. Maśkar o 1990-to berś thaj o 1994-to berś voj sas ekh dramaturgo thaj ekh bordo kotoravni (membra) vaś o Hetfoi Muxeli Studio.
Dekatar o 2012-to berś voj sa kerel dokumentalne filmura aśal e romane źene. Maśkar o 1992-to thaj o 2002-to berś voj sas ekh rodavni ando o Muzeumo vaś Etnografija, Budapesta, ande savo voj dokumentarilas thaj śerutnilas e video biblioteka vaś e romani kolekcija. Katar o 2000-to berś źi ka o 2003-to berś voj sas lektora ando o departamento vaś sociologija karing o Eotvos Lorand Universiteto thaj maśkar o 2001-to berś źi ka o 2004-to berś voj kerda buki te kerel dokumentalne filmura ando o Sendrolad sar direktora vas e Fondacija Filmosko Forumo.
E Köszegi-ske filmura roden teme vaś o romano identiteto, diskriminacija thaj palalmukhipe ando o Ungriko Them, but dervja via o sikavipe vaś ćaćune istorije aśal bimukhlindo khamipe, familijake dorja, tradicionalne bukja thaj vastutnipenata, maripenata e adikcijenca thaj sakodivesutno źivdipe. Voj but devrja kerel buki ekhthaneste e etnografosa o Peter Suxaj. Lako avgutno filmo, »Sitiprinc« sas mukhlindo po ekrano ando o 2000-to berś.
Voj la khajekh prizura, kaj thonandre e Kamera Prizo vaś e Ungrigakoni Asocijacija vaś Dokumentalne Filmo Direktorja ando o 2002-to berś aśal »Istorije vaś Reslipe (Sukseso)« thaj o Prizo vaś Em o Laćho Direktoro ando o 28-to Ungrikano Filmosko Kurko ando o 2006-to berś aśal lako »Naśipe ando o Khamipe«. Ando o 2012-to berś voj la o Prizo vaś Saste Źivdipenasko Reslipe ando o Trinto Maśkarthemutno Romano Filmosko Festivalo; thaj ando o 2014-to berś voj la o Prizo o Balaź Bela sarekh prizo vaś lako reslipe ande kinematografija.
Filmura Sava Voj Kerda
2000
Sitiprinc – Hunnia, aired by Hír TV
Direktirime Dokumntalne Filmura
1988
Fény-képek gyermekeinknek
1994
Midőn a vér
1995
Jobban szeretnék élni
1996
Csövesek - csicskák - egy eset több olvasata
1996
Töredékek a térről
1998
Gyilkosság a téren
1999
Történetek a boldogulásról I-II.
2000
Kitagadottak
2001
Cigány kép - Roma kép
2002
Kései születés
2006
Menekülés a szerelembe
2007
A 11. Élet
2008
A három nővér
2010
Gumikalapács
2011
Romani Design
Screenwriter
1983
A csoda vége
1991
Erózió
1992
A nyaraló
1996
Franciska vasárnapjai
2000
Film…
2006
Kéz-keringő
2009
Megyejáró
sources:
http://www.mediawavefestival.hu/index.php?modul=filmek&kod=7208
https://port.hu/adatlap/szemely/koszegi-edit/person-890
http://www.docuart.hu/docuart/hu/adatbazis/adat_szemely/205/dialektus
http://palantirfilm.hu/upload_files/szemelyek/dokumentumok/cv_198_2008.doc