E Anette Åkerlund sas bijandi ande ekh romani familija ande Finlanda thaj specializiril ande e duj: flamenko thaj finikani romani performacija. De katar o 2009-to berś, voj sikljovelas flamenko gilabavipe, tanco, thaj kompozicija ande institucije sar e Fundación Christina Heeren ande Sevilla, o Centro de Arte y Flamenco de Sevilla, thaj e Escuela Superiór de Música Cataluña ande Barcelona. O flamenko sas i ekh vastno (importantno) kotor katar lako śkolipe ando o Folklorno Muzikalno Fakulteto karing e Sebelius Akademija (Sibelius Academy Folk Music Department) ando o Helsinki, kajte voj sikili gilabavipe, piano, improvizacija, moderno tanco, thaj kompozicija. Voj kerda performacije e grupenca sar e Zugara, ekh ansamblo savo voj kerda e śvedikane flamenko gitaristosa o Patrik Bonnét, thaj Amaro, ande savi voj ekhe thaneste e Miritza Lundberg-asa gilabel romane gilja katar verver Europutne thema. Voj kerda buki e proektosa Camerata Flamenco, savesa voj kerda performacija ando o festivalo o Etnosoi! Ando Helsinki ando novembro 2015-to berś. Ando momento, voj laćharel (pregotil) ande e Sibelius Akademija pesko masteresko concerto, ande savo voj ka anel ekhe thaneste e duj tradicije peske mangipenaske: e finnikane romane gilja thaj o flamenko. Si i plano te kerdol pes peske lako albumo sigo.