Bijamo ande phurani mahalla ano Skopje, o Abdi sasa jekh kotar e avgune Roma ande nekanutni Jugoslavija savo phirelas ande univerziteto thaj sasa jekh kotar e bute manuša ande Phralipe, ko 1948-to berš. Pala keribe buči pe kodi kulturki asocijacija, vov kerelas buči vi upral e Romengere civilnoo hakaja.

Vov sasa Membro ande Makedonijako Parlamento kotar 1969-to dži pe 1974-to berš thaj sasa pe Avguno Lumako Romano Kongresi ko 1971-to berš, sar oficijalno Jugoslavijako reprezentanto. Kana iklilas kotar e Jugoslavijako gaverno, olestar lije lesko pasaporto ma te phirel pe internacionalno khidipena.

Pala kodo vov kerdas e Partija vaš Romengi Emancipacija thaj irandas pes palpale ande Parlamento ko 1989-to berš thaj ande 1998-to, vov hasarela pesko parlamentosko than. Vov sasa jekh kotar e majavgune Romane parlamentarcura ande Europa thaj sasa respektirimo vi kotar peskere oponentura.