E grastengo kinobikinibe si majphurani buti maškar e Roma, numa e Roma na kerenas o bizniso te čhinen e grasten thaj kodo naj amaro aktiviteto. E Giagnottis familijako bizniso šaj te ovel dikhlo sar metafora: e italijakere kino isi barvali tradicija pe Romengero prezentiribe, numa phareste šaj te arakas aver dokumentarco so šaj te pandel pes e nekanutnipaja (kolektivno thaj personalno memorija), akanutnipe (dživdi komuniteta) thaj idelističhko avutnipe (kote so e minoritetija si lendine sar kulturno javeripa ki luma).
E režiserija si legarde kotar o Claudio Giagnotti, muzičharo thaj producento kova so pindžarela e dikhutnen e Salentoireskere trajosar e luma kote so e Roma avile angleder lungo vrama, sikavindoj oleskere komuniteta. Amen pašeder šaj te keras obzervacija pe pharo familijengero butikheribe kotar e nekoborom aspektora trujal e narativija kotar e buteder karakterija kola so mothovena pesko trajo. I muzika naj numa o zuralo elemento te kerel pes i atmosfera, numa si vi o čhinavibe thaj e peribaskere intervjuora vi situacije. E tradicionalno folklorno gilja producirinena džanibe vaš e Italijakere Roma bizi adava so o dikhutno na pindžarel i čhib. E video materijalija kotar e koncertora thaj o prezentiribe kotar e Giagnotti kerena filmo-kotar e -filmesko efekto, soske sam godžaver vi pala o fakto kaj khana ka agorisarel o dokumentarco, koncertora thaj sikaviba ka oven organizirime vi avera gasave ki sasti Italija. Akala, naj numa vaš e festivaleski publika. Akava angažirimo aktiviteto trubij but te vazdel o gindo pe sa e thama kote so train e Romane komunitete buteder dešberšipa.
Buteder kotar e dokumentarcora sikavena e Romengere pharipena, e bilače nasvale gindora/prejudicije/ mamuj lende, e socijalno vi ekonomikane problemora kola so čhivena palpale olengeri integracija. O rodipaskero reportiribe bazirime pe sociološko rodipena thaj aktivistitengo video, pala e volonterno dendi zor, butivar na resljarena baht te peren o “kontrakto” maškar e reprezentantora thaj e autorija, sar so phenen e teorije kotar e Ariella Azoulay. Varesave režiserija sine bahtale ki olengeri zor. Maškar lende si thaj i Laura Halilovic, terni Romani džuvli savi so kerdas korkorutni-refleksivno, sociogravsko rodipa pe akaja situacija (“Me, Miri Gipsy familija thaj o Woody Allen”) leindoj andre javer perspektiva. Ko Gitanistan ko – autori sine o Claudio Giagnotti, vi glavno karaktero/muj thaj kodoleske naj bangeste so sam čhuvde andre, adresirime thaj astarde, na numa jekh čhaso.
Recepcija
February 2017, Sguardi, Visioni, Storie, competition
September 2016, Evò ce esù – Visioni – Incontri di confine, tra Visi e Parlate, panorama
April 2016, Oczy i Obiektywy, competition
November 2015, Babel Film Festival, competition
April 2015, Ethnografilm Festival, panorama
April 2015, Oczy i Obiektywy, ‘Searching for Identity’
November 2014, IDFA – International Documentary Film Festival Amsterdam, documentary for sale
June 2014, Biografilm Festival, Biografilm Italia