E obzerverongo problem lungi vrama sasa teli sama ande filozofija, literaturaki teorija, arti thaj psihologija. Mamuj kodo, i bari sociologija, antropologija, thaj socijalno historija, dzi akana dikhenas, majbut ano konteksti kotar e vizuelno reprezentiriba; so na achilas pes trin decade angleder kaj i relacija mashkar i piktura thaj o teksto, kotar o nivelo sar e bucha dikhena pes thaj sar dikhena olen, sikavena pes ano horizonto katar kadala discipline. Sturdirindoj e Romengere thaj Sintongere reprezentacije ko 19-to thaj 20-to shelbershipe, shaj te dikhel pes kaj e Centralno Europakere Societe kerdine pengo seksualizirimo thaj feminizirimo “kalipe” trujal “nbicivilizirime” grupe thaj individualcura, thaj olengere durutne thaj pashutne kolonije. Ano Panopticon katar e Centralno Europutno moderniteto, e “Gypsies” ule pandanura kotar e Afrikakere thaj Azijakere “primitivcura” ande Chachunerigeski Europa. Kate, sar te si, isi diferenca ande reprezentiribe e “primitivcongo” lende kotar e kolonije thaj kadala e “rezidentno”. E “Gypsy” achile naturalno kotar nacionalno imidzo dzikote dzalas i konstrukcija e Centralno Europutne nacionalno thema. E ideje save definirinena e vizuelno reprezentacija pe Roma phirindoj mashkar e Centralno thaj Chachune rigeski Europa. I prezentacija ka diskutuil kadala dromaribaskere ideje thaj imazhura, sar vi e impresija kotar kolonijalno thaj emancipacijako dikhibe ande Romengi prezentiribaski historija.