Muzika - RomArchive

Kuririmo kotar o Gelbart, Silverman and Lie

Bašaviben the kheľiben hino lokes jekhetano le romane dženenca the pro internetos hin but priklada pal o romane giľa. Peršo fazija pal o bašaviben RomArchive sigeder lel materijala the vakeribena, save nane maškar o džene avri dine. Le kuratorengero cjelos hin te sikhavel interesna priklada so keren o Roma he romano vplivos pre phurikaňi kultura, the mek te na paťal varesave butľikerde predpoklada.

01

Klasicko bašaviben

O Roma prithode (dine) bari buťi kijo dijaripen the sikhade sar pes kerel zapadno klasicko kanonos. O sikhaviben le RomArchive save roľi has le Romen the le Sinten sar performeren, sthovkeľaren the musen hin ča agor.
02

Jazzos

O elementa pal o jazzos hine kompoňimen andro but žanra, save hine sikhade le Romenca the le Sintenca. But džanibnen andro aver kapitoli andre kaja archivno sekcija (sar o Yuri Yunakov abo Lisa Weiss) hin len jazzos sar kotor štilisticko repertoaris. Andre kaja sekcija sikhavas charno sikhaviben le lavutarengero, perdal save has o jazzos sar treningos nekbareder.
03

Balkan

Balkansko romano bašaviben pes ačhiľas maškarthemutno. Hoj ča čepo džene džanen, keci makarsave štila hine bašade pre kada regionos. O RomArchive avrikidľas varesave sikhavibena, hoj te sikhavel kada makarso.
04

Stredno Evropa

Sar geograficko regionos hin e stredno Evropa sikhaďi makarsave štilenca, aľe jekh vecos hin dino: Le Romen has bari roľa perdal o bašaviben pal o šelberša. Ko hine kala džanibne, pal lengere bašavibnaskere štrukturi the technicke džanibena? O RomArchive dikhel pre lengere dživipnaskere vakeribena the lengere hiri.
05

Rusiko

Dinastiji, drama, bare nazora. Paš kada hoj has len farebno uriben so has prindžardo perdal o Moskevsko Romano Tejatros the lengere krangi, o rusike Roma sikhaven soduj oralno the irimen literatura pherdžarďi la poezijaha.
06

Severno the zapadno Evropa

Severno the zapadno Evropa hin perdal but Roma the fameľijakere grupi lengero than kaj bešen. Kale populacijen šaj avel ča čepo jekhetano, he te dživen andre jekh them, lengere bašavibnaskere tradiciji sikhaven kala aver historii.